رواية زفاف في طي النسيان للكاتبة عبير علي
وركبت اول عربيه قابلتها فضلت مع السواق ﻷخر الخط وهى متعرفش هو رايح فين واشتغلت عامله فى المشتشفى اللى كنت فيها وعرفت حكايتها من اتنين عمال كانوا بيتكلموا عليها فجبتها هنا
_ربنا يجازيك خير يا حبيبى على اللى انت عملته
ده بس بجد صعبت عليا اوى بجد فى ناس تعمل كده وفى غيرهم بيتمنى بس انه ابوه وامه يرجعوا تانى علشان يخدوه فى حضنهم
_متقلبيش المواجع على نفسك يا فريده ادعيلهم بالرحمه يا حبيبتى وبعدين تعالى هنا هو انا مش مكفيكى وﻻ ايه
_يا حبيبى دا انت اللى مالى عليا دنيتى انت ورقيه انا من غيركم وﻻ حاجه ربنا يخليكم ليا
_ويخليكم انتم كان ليا فريده انا كنت عايز اقولك على حاجه
_خير يا حبيبى فى ايه
_انا كنت عايزك اعتذرلك على اللى حصل من امى بجد انا مش عارف اقولك ايه
_متقولش حاجه يا حبيبى انا حاسه بيك عارف اللى فى قلبك من غير ما تتكلم
_انتى عارفه انا كان نفسى اوى ان الحمل ده يكمل مع انه قضاء وقدر بس
_يا حبيبى محدش عارف الخير فين وبعدين لسه العمر قدامنا وان شاء الله ربنا يعوضنا
_كان نفسى اوى احس بده واشوف صورته وهو لسه فى بطنك وابقى مستنى على ڼار اول ما تقربى تولدى بس زى ما انتى ما قولتى محدش يعرف الخير فين
مرت فتره من الزمن وهى تعيش فى سعاده وادهم يبذل ما فى وسعه لكى يعوضها عن كل شئ
خبط على الباب _ ايوه يا داده دقيقه واحده حاضر خير يا داده فى ايه
_انسه نيره مستنياكى تحت يا بنتى
_حاضر انا نازله اهو يا داده
_نيره حبيبتى ازيك عامله ايه وحشانى مبتجيش ليه
_والله انتى كمان وحشانى اوى بس انتى عارفه حظر التجول اللى معمول فى البيت
_هههههههههه هو لسه الحصار متفكش
_ﻻ يا حبيبتى الحصار عندنا دايم على طول
_طب قوليلى انتى جايه وشكلك عايزه حاجه قرى واعترفى
_هههههههههه طول عمرك قفشانى يا فريده خلينا نتكلم جد شويه انا كنت عايزه فارس فى موضوع وانتى اللى هتبقى واسطه بينا
_موضوع ايه اللى عايزه فريده تبقى واسطه فيه بينا
_فارس !! انت جيت
_ﻻ لسه فى الطريق .. عايزه حاجه اجيبهالك معايا
_بطل بواخه يا فارس وسيب البت فى حالها
_هو انا قولت حاجه مش هى اللى عايزانى قوليلى بقى كنتى عايزانى فى ايه وشكلك كده زى ما يكون قلق فى ايه
_هو يعنى بص انت عارف انى صريحه ومش بعرف اذوق كلامى من اﻷخر كده فى دكتور معايا فى الجامعه عايز يتقدم بس ماما مش موافقه فهو كلم اخته هى معانا برده وهى كلمتنى وقولتلها ان ماما عمرها ما هتوافق عليه وقولتلها انه لو عايزنى بجد يروح يكلمك وهى قالتلى انها قالتله بس مش عارفه هيكلمك امتى وبس انا كده خلصت
_وانتى بقى قولتيله يكلمنى ليه
_اه هو انا قولت مش هو اللى عايز يتجوزنى وانا مالى بقى
_والله طب قوليلى لو هو اتقدم انتى رأيك ايه
_مش عارفه اللى شايفه صح اعمله انا ﻻزم امشى دلوقتى علشان ماما
_هو جه واتقدم فعلا
_بجد احم احم اقصد يعنى انت عملت معاه ايه
_انا رفضته
_انت بتقول ايه رفضته ازاى! اقصد يعنى انت رفضته ليه اقصد انا ﻻزم امشى
_طيب استنى يا هبله هو جه لما ماما رفضته وكلمنى وانا سألت عليه كويس ووافقت وخطوبتك ان شاء الله بعد بكره
_ايه بعد بكره بس كده انا مش هلحق اشترى فس احم احم اقصد يعنى انت وافقت ليه يوه اقصد انت ما قولتش حاجه انا ﻻزم ابطل كﻻم صح
_صح ﻻزم انا جهزت كل حاجه الخطوبه هتتعمل هنا مش فاضل غير فستانك بس وده بقى عليكى انتى وفريده
_طيب وماما
_ﻻ ماما مش هتحضر علشان مش موافقه ما انتى عارفه اى نعم هو دكتور بس مش مستوانا
_انا فضلت ساكته خالص اهو طول ما انتم بتتكلموا ومبروك يا حبيبه قلبى وربنا يتمملك على خير ويلا بينا دلوقتى انا هطلع اغير هدومى وانزلك حاﻻ
_احم احم نيره انا كنت عايز اطلب منك طلب قبل ما فريده تنزل
_خير يا فارس
_انا ......
_ﻻ كده كفايه بجد حرام عليكى انا رجلى خﻻص مبقتش حاسه بيها خالص حسبى الله ونعم الوكيل فيكى يا نيره
_يا بنتى كفايه لف بقى
_ايه يا فريده دا انتى طلعتى بسكوته خالص هو احنا لسه لفينا وﻻ عملنا حاجه
_لفينا حرام عليكى دا اﻷتيليه رقم كام انا بطلت عد بعد 15 وﻻ اتيليه منهم كان فيه حاجه عجباكى
_يا ستى ادينا بنلف واكيد لو لقينا حاجه كويسه هنجبها علطول
_ماشى ياستى بس فى حاجه محيرانى شويه
_خير ايه هي
_ازاى واحد يتقدملك وانتى وفارس محدش فيكم يقول حاجه وكمان ازاى يوافق عليه من غير ما ياخد رأيك ﻻ وكمان يحدد ميعاد للخطوبه وكﻻمك بيدل على انك مكنتيش تعرفى انه كلم فارس يبقى ازاى فارس عرف انك موافقه
_اه بصى انا دماغى مش فايق دلوقتى ولو عايزه تسألى على حاجه تبقى تسألى جوزك احسن
_طب يا لمضه خلصينا بقى
_بقولك تعالى ندخل اﻷتيليه ده فى فساتين فرح حلوه تعالى نشوفها
_فساتين فرح ليه يا بنتى هو انتى عايزاه دلوقتى ليه
_بصى يا فريده من اﻷخر كده انتى عارفه انى مبعرفش اذوق كلامى فارس عايزك تنقى فستان فرح كان عايز يعملهالك مفاجأه كان عايز تتصوروا مع بعض بفستان الفرح بس انا حړقت المفاجأه اهو علشان مش هعرف انقيلك فستان من غير ما يكون عاجبك ويكون على مقاسك
_بجد فارس قالك كده انا مش مصدقه مكنتش فاكره انه ممكن يفكر فى حاجه زى دى
_ﻻ يا ستى بيفكر عايز يعوضك كل اللى فات
_طيب ايه الحل دلوقتى
_بصى انا اعرف اتيليه بتاع اخت واحده صاحبتى وبتجيب حاجات
_ماشى يلا بينا انتى عارفه انى كان نفسى اوى ان البس فستان الفرح ده اوى بس اخوكى بقى قفلها فى وشى
_خلاص بقى ما يبقاش قلبك احمر
_احمر دا جديد
_يا بنتى انتى قلبك عمره ما هيبقى اسود قلبك مليان حب وعمره ماكان فيه حقد وغل
_يا سلام وبقيتى شاعره كمان يلا خلينا نخلص علشان رقيه
_ماشى يلا
_هه ايه ما تقوليلى رأيك حلو وﻻ وحش
بصوت فرح وعيون ﻻمعه ولهجه صادقه _قمر والله يافريده دا انتى كده هتوقعى اخويا فى حبك تانى
_من غير مبالغه يا نيره
_والله ما ببالغ ربنا يحرصك من العين يا حبيبتى
_بجد واحلى حاجه فيه انه مش عايز يتظبط
_يلا بقى خلينا ناخده ونظبط بقيه الحاجه بتاعته علشان هنروح بيه
_وليه اﻷستعجال ما لسه فيه بكره كمان
_بصى فارس اتفق مع مصور يجى بكره هياخد صور ليكم فى الجنينه
_يلا نمشى بقى ومتنسيش فستانك انتى كمان
_حمد الله على السلامه قولولى عملتم ايه ﻻقيتم حاجه
_كل حاجه جاهزه عيب عليك تسأل سؤال زى ده
_انتى ساكته ليه يا فريده
_طيب انا هروح اشوف رقيه قبل ما امشى
_ايه يا حبيبتى انتى ساكته ليه يا خبر ابيض انتى بتعيطى ليه
_هو انا قولتلك انى بحبك قبل كده بجد مش قادره اتكلم اقول ايه انتى دنيتى كلها وانا بحبك اوى يا فارس
_من الواضح كده ان نيره قالت كل حاجه
_بجد انا فرحت فرحه النهارده بعمرى كله كفايه انك تكون فاكر حاجه زى دى
_طب يلا بقى امسحى دموعك ويﻻ نشوفهم بيعملوا ايه وكمان علشان نستعد لبكره عايزك تبقى زى القمر
_يلا يا مدام يارا خلصى بقى العريس واقف مستنى بقاله كتير ومبقاش على بعضه
_خلاص اهو يا أنسه نيره بثبت الطرحه بس ما انتى صممتى انك تلبسى اﻷول وبلاش القلق ده كل شويه واهو انا خلصت
_قوليلى يا نيره انا عامله ازاى قبل ما ابص فى المرايه الفستان شكله عامل ازاى عليا
_بجد الله اكبر عليكى الفستان هياكل منك حته مش بقولك هتجننى اخويا اكتر ما هو
_طب يلا ننزل علشان المصور واقف تحت بقاله كتير واحنا اتأخرنا عليه
_اه صحيح انا سامعه صوت عربيات كتير تحت
_دا الناس اللى بتظبط الدنيا تحت
بالفعل نزلوا ﻷسفل وكان فارس منتظر على الباب المؤدى للحديقه ولكن انوار الحديقه كانت مطفأه بالكامل وعندما اقتربت فريده من فارس ووقفت على الباب شهقت بشده من المفاجأه وكانت فى قمه سعادتها عندما ارتدت فستان الزفاف كان بالنسبه لها امنيه وتريد ان تحققها عندما طلبت منها نيره ان تنزل إلى أسفل ﻷن فارس ينتظرها وبالفعل نزلت وعندما رأته واقف منتظر عند الباب المؤدى إلى الحديقه طارت من السعاده و شعرت بأنها عادت خمس سنوات إلى الوراء وكأنها تراه ﻷول مره كل ما كانت تعلمه انه يريد ان يلتقط بعض الصور لهم ولكن عندما اقتربت منه ووقفت هى ايضا بالقرب منه فوجئت به يبتسم بشده ويخرج باقه من الورد اﻷحمر من وراء ظهره فهى تعشق الورود بهذا اللون وفاجأه نورت كل اﻷنوار فى الحديقه ورأت جمع غفير من الناس يقفون ويصفقون بشده ورأت كوشه فى اخر الحديقه مزينه بطريقه ټخطف اﻷنظار ركع امامها على ركبته واخرج علبه من جيبه فيها خاتم .. وفوجئت به يطلب يدها امام كل الناس وهو يقول _انا دلوقتى بجدد طلبى لتانى مره انا اول مره طلبت ايدك كان من خمس سنين وانا دلوقتى بكررها انا عايز الناس دى كلها انى بحبك وانى مقدرش اعيش لحظه واحده من غيرك وعمرى ما هقدر احب حد تانى غيرك وانا اسف على كل حاجه عملتها وزعلتك منى سواء كان بقصد او ﻻ وانا دلوقتى قدام الناس دى كلها بوعدك انى هفضل احبك طول عمرى وانى هعوضك على حاجه وحشه شوفتيها فى حياتك
كلها وانا دلوقتى مستنى ردك
كانت فريده تسمع وهى متأكده انها تحلم وان هذا غير حقيقى كانت تقول لنفسها انا شكلى كده مش متغطيه كويس وهصحى دلوقتى وعلى الرغم من ذلك
كانت سعيده جدا حتى لو كان حلم ولكنها افاقت على كلمه فارس بأنه ينتظر ردها
قالت هامسه بأنها موافقه او هكذا ظنت ولكن الكل سمعها وسمعت صوت التصفيق وهو يدوى بشده البسها فارس الخاتم واخذها ليرقصوا على نغمات موسيقى هادئه
_انا مش فاهمه حاجه يافارس انا حاسه انى بحلم
_ﻻ يا حبيبتى انتى صاحيه وكل ده حقيقه
_بس انت حضرت لده كله امتى
_لعبه ونيره ساعدتنى فيها
_ازاى
_حكايه العريس اللى متقدم ليها
_يعنى ايه مفيش حد متقدم
_ﻻ كل اللى قولته مظبوط بس انا لسه ما خدتش قرار ومقلتش وﻻ بينت حاجه علشان كنت عايز اعملهالك مفاجأه
_وبجد كانت احلى مفاجأه انا مش عارفه اقولك ايه
_وﻻ اى حاجه المهم تكونى مبسوطه
_انا طايره من اﻷنبساط
_انا اللى دلوقتى مش قادر اوصف سعادتى اد ايه
وبالفعل تم الحفل بجميع فقراته وعند نهايه الحفل الكل تمنى لهم السعاده والفرحه الدائمه وانصرف الكل ولم يبقى غير نيره وحازم واحمد ورقيه لم تستطيع ان تكمل الحفل لﻷخر ونامت اعتذر فارس من احمد عن كل ما حدث وتقبل احمد اعتذاره واخبره ان كل ما كان يريده هو سعادتها فقط وانصرفوا
فى غرفتهم _ فارس انا عايزه اقولك على حاجه مهمه علشان تكمل فرحتنا
_قولى يا حبيبه قلبى
_اﻷول صلى بيا ركعتين كان نفسى اوى تصلى بيا اول ما اتجوزنا وﻻزم تعوضنى دلوقتى
_بس كده من عنيا اﻷتنين بس انتى مش هتغيرى هدومك وهتفضلى بالفستان
_ايوه عايزه اصلى بيه
_طب يات
_تقبل الله
_منا ومنكم يا حبيبى .
_قوليلى بقى انتى كنتى عايزه تقوليلى ايه
_انا انا حامل
بصوت
سجد سجده شكر _ قوليلى بقى انتى حامل فى اد ايه واتأكدى وﻻ لسه شاكه وبعدين انتى واقفه ليه انتى ﻻزم تقعدى وما تتحركيش من مكانك
_اهدى بس يا حبيبى اوﻻ يا سيدى انا كنت عملت تحليل هنا من اللى هو المنزلى ده وطلع إيجابى وبعدين وانا بجيب رقيه من الحضانه رحت عملت تحليل فى معمل جنب الحضانه علشان اتأكد والحمد لله طلع مظبوط وانا يا سيدى حامل فى شهر ونص
_الف مبروك يا حبيبتى الحمد لله ربنا عوضنا عن اللى راح بس دلوقتى انتى ﻻزم تقعدى فى البيت مش عايزين حركه وكمان ﻻزم نقول لرقيه
_ان شاء الله بكره هنقولها احنا اﻷتنين وبالنسبه لكليتى انا هروح بس المحاضرات المهمه علشان دراستى وبس مش هكمل كمعيده فى الكليه
_بس مش عايز اكون السبب فى انك اتحرمتى من حلمك وانتى عايزه ده
_انا مش عايزه ده مقدرش انكر ان كان نفسى ابقى دكتوره فى الجامعه بس كان السبب الرئيسى لده ان كنت عايزه اوفر لرقيه كل اللى محتاجاه انما دلوقتى ربنا يخليك لنا معاك مبقتش محتاجه حاجه خﻻص
_تمام وانا اوعدك يا ستى ان شاء لما الوﻻد يكبروا شويه وينفع تسيبهم لوحدهم لو عايزه ترجعى تشتغلى انا مش معارض خالص اما بالنسبه لدراستك انا هبقى جنبك لحظه بلحظه ومش هسيبك ابدا
_ربنا ما يحرمنى منك ابدا يا حبيبى .
_فى حاجه انا كنت عايزه ادهالك بس اوعى تفهنينى غلط او تزعلى
_ربنا مايجيب زعل يا فارس خير فى ايه .
_دى ورقه بحقك فى الميراث .
_مش فاهمه ميراث ايه وانا اصﻻ ازاى هورث معاكم وهو ما ينفعش
_ده مش من ميراث ابويا دا ميراث ابوكى انتى من جدى الله يرحمهم واللى ابوكى اتنازل عنهم .
_ايوه بس انا مش عايزه حاجه والله ما محتاجه حاجه فيهم
_اوﻻ دول حقك انتى وثانيا انا مش عايز اعيش من فلوس حرام طول ما هيا موجوده معايا تبقى فلوس حرام وثالثا وده اﻷهم ان عايز اشيل من على ابويا ذنب يمكن ربنا يسامحه على اللى عمله فينا
_ماشى انا موافقه بس كل حاجه تبقى معاك علشان مش بفهم فى شغلكم ده
_حاضر ياستى بس يﻻ انتى ﻻزم تنامى وترتاحى .
_تصبح على خير
_وانتى من اهله
اتى الصباح مشرقا وجميلا ومشعا يملأ القلب طمأنينه وفرح وتفأول .
_يلا يا رقيه انتى كده هتتأخرى
_حاضر انا خلصت اهو بس بابا هو اللى لسه بياكل مش عارفه يا ماما ف ايه بس بابا اكل كتير اوى النهارده وعمال يضحكمن غير ما يكون فى حاجه تضحك حتى بصى
_هههههههههه تصدقى عندك حقك يسلملى اللى واخد باله من كل حاجه ده شوفى مين اللى بيضرب الجرس على ما انادى على بابا علشان شكله سرحان خالص وبيكلم نفسه
_فارس فارس يا
فارس
_ايوه يا حبيبتى انتى بتنادى
_دا انا بنادى من الصبح وكمان رقيه وانت وﻻ انت هنا خالص
_معلشى يا حبيبتى اصلى كنت سرحان شويه شكل كده الفرحه كلت عقلى
_سلامتك من كل شړ يا حبيبى
_امال رقيه فين علشان اصالحها وكمام نقولها على الموضوع
_بتشوف مين اللى بيخبط
_السلام عليكم
_وعليكم السلام فاطمه! خير فى حاجه حاصله فى الفيﻻ
_الصراحه فى وكنت عايزه حضرتك فى كلمتين على انفراد لو ينفع
_اكيد طبعا تعالى ادخلى المكتب
_ﻻ انا هستنى حضرتك برا
_حاضر انا جى وراكى على طول
_مين دى يا فارس
_دى فاطمه بنت داده عزيزه اللى شغاله عندنا فى الفيﻻ انا هطلع اشوفها عايزه عايزه ايه
_ان شاء الله خير
_خير يا فاطمه فى ايه
_امبارح بعد ما البشمهندس حازم واﻷنسه نيره جم متأخر والده حضرتك !
_خير يا فارس ايه اللى حصل هى كانت عايزاك فى ايه
_انا مش هقدر اتكلم دلوقتى بس ﻻزم اروح الفيﻻ عند ماما ضرورى ولما اجى هبقى اقولك المهم متطلعيش بره النهارده خليكى هنا ومتفتحوش الباب لحد وبﻻش رقيه تروح النهارده الحضانه
_فى ايه يا فارس انت كده قلقتنى اكتر
_صدقينى لما اجى هقولك على كل حاجه انا ﻻزم امشى
وصل فارس إلى الفيلا وعندما دخل نادى على اخيه ووالدته ولكنه لم يجد والدته
_ماما مش هنا يافارس
_حازم انتوا كويسين .
_طبعا كويسين هيكون فى ايه
_حازم فاطمه جت وقالتلى على اللى حصل امبارح ممكن اعرف بقى ايه اللى حصل بالظبط
بتنهيده إحباط _ اللى حصل ان ماما عرفت اننا كنا عندك امبارح وعرفت بحكايه الحفله وطلعت عارفه ان بحكايه الدكتور اللى متقدم لنيره طبعا اتخانقت معانا ورفضت طبعا حكايه العريس ده وقالتلها انها هتجوزها واحد من وﻻد صاحباتها وطبعا طول ما فريده على زمتك انسى حكايه جوازى انا كمان انا خلاص زهقت مابقيتش عارف اعمل ايه
_اطلع لم هدومك على اطلع لنيره
_الم هدومى ليه انت ناوى على ايه
_اسمع الكلام وخلاص
وبالفعل ذهب حازم لضب اغراضه وذهب فارس لنيره
صوت خبط على الباب وتلاه صوت مخټنق بالدموع _ ادخل
_ فارس شوفت ماما عملت ايه انا خلاص مابقتش عارفه اعمل ايه علشان ارضيها
_ممكن تبطلى عياط اﻷول انتى موافقه على الدكتور اللى اسمه احمد ده ما تنكسفيش وقوليلى علشان انا هتصرف بنائآ على رأيك ده
_اه موافقه
_خلاص قومى لمى هدومك علشان هتقعدى معانا فى البيت انتى وحازم .
_طب وماما
_ملكيش دعوه بماما انا هتصرف معاها يﻻ قومى .
انتهى الكل من ضب اغراضه وانزل حازم وفارس الشنط إلى الطابق السفلى لكى يذهبوا دخلت عليهم والداتهم
_انتوا بتعملوا ايه وايه الشنط دى وبعدين يا سى فارس انت ايه اللى جابك هنا مش خلاص احنا نزلنا من حساباتك ومبقاش لينا قيمه عندك
_
حكى فارس لهم ما حدث قبل خمس سنوات ._ودلوقتى بتخططى انك تعمليليها مصيله وتسوئى سمعتها علشان اسيبها واتجوز بنت اختك بس انتى مش قادره تفهمى انى من غير فريده انا ممكن اموت .
_انت ازاى ياولد انت تكلمنى بالطريقه دى ومين فريده دى اللى اعملها حساب .
_فريده اللى انتى فبركتى صور فاضحه ليها الله اعلم مه مين ونسيتى ان ربنا مطلع عليكى وعلى كل اللى انتى عملتيه وحسابه هيبقى عسير كنتى فاكره لما تورينى الصور هصدقك واتخلى عنها واسيبها على طول نسيتى انى بثق فيها وهى بتعمل حساب لربنا فى كل حاجه بتعملها .
_تقصد ايه بالمحاضره دى .
_حازم هيتجوز ساره زى ما كانوا متفقين ونيره هتجوز احمد وانا هبقى مع فريده وخليكى انتى فى الفيﻻ دى لوحدك مع افكارك واصحابك اللى مش شايفين غير نفسهم وشايفين الكل اقل منهم
_عيدى حساباتك وشوفى مين الغلطان ومين اللى معاه حق واحنا بيوتنا هتفضل مفتوحه علطول ووقت ما تعوزينا هتﻻقينا كلنا قدامك علطول .
_انت بتهددنى اطلعوا بره كلكم مش عايزه اشوف وش حد فيكم وعمرى ما هطلب منكم حاجه
_اعملوا اللى انتم عايزينه بس انسوا ان ليكم ام انا وﻻدى خلاص ماتوا .
ذهب الكل إلى بيت فارس وهم واجمون ولم يتحدث اى شخص منهم طوال الطريق لم يصدقوا ان والدتهم استطاعت ان تقول مثل هذا الكلام وما ذنبهم والقلب هو المذنب فى كل هذا وكيف كانت تريد ان تفرقهم عن من احببوهم من اجل المال والسلطه واللقب
وصل الجميع وذهب كل منهم إلى غرفته بعد ان دلهم فارس عليها وعندما استفسرت فريده عن
ما حدث حكى لها فارس كل شئ وكيف ان فاطنه سجلت كل اتفاقتهم على ان تسوء سمعتها لم تصدق فريده ما سمعته كيف ﻷم ان تتنازل عن اوﻻدها مقابل بعض المظاهر الكذابه وكيف ظتت انها سوف تفلت من عقاپ الله اﻷ تعلم ان هذا رمى محصنات وان الله توعد لهم
_وهتعمل ايه دلوقتى يا فارس
_هتصل بأحمد واقولوا اننا موافقين وان شاء الله الجوازه تتم على خير وحازم مفيش مشكله معاه ساره مبتفكرش بالطريقه دى اهم حاجه عندها تكون بتحب اللى هتتجوزه والباقى شكليات فارغه واهو عنده شقه يتجوز فيها
_طب ووالدتك مينفعش كلكم تيسيبوها لوحدها
_متخافيش مقدرش اعمل حاجه زى دى طبعا انا غيرت طقم الحراسه وهم هيبلغونى اخبارها اول بأول وفى ناس هتروح معاها اى حته هتروحها من غير ما هى تحس
_طيب يلا نادى عليهم علشان نتغدى كلننا مع بعض
نادى فارس عليهم وتجمعوا بعد صعوبه فى إقناعهم وجلس الجميع حول طاوله الطعام ولكن ﻻ احد يأكل
_ﻻ بقولكم ايه انا المفروض النهارده يبقى احلى يوم فى حياتى واظن كفايه اوى جرعه الغم اللى احنا خدناها الصبح
_اشمعنا يعنى النهارده ايه اللى حصل خﻻه يبقى احلى يوم فى حياتك
_علشان يا فالح عرفت النهارده انى هبقى اب للمره التانيه
_بجد يا فريده مبروك يا حبيبتى
_مبروك يا فريده وعقبالى لما اب انا كمان
_الله يباركم فيكم وعقبالكم ان شاء الله
_بابا ان
مش فاهمه يعنى ايه هتبقى اب كمان مره هو انت بابا حد تانى غيرى
_ههههههههه ﻻ يا حبيبه بابا بس ماما هتجيب نونو صغير علشان يلعب معاكى بس لسه مش عارفين النونو هيبقى بنوته اموره زيك وﻻ ولد صغنتوت
_بجد هيبقى عندى اخ او اخت صغيره وهبقى انا الكبيره
_طبعا يا حبيبتى
_هيه هيه بس هو هيجى امتى علشان وحشنى اوى .
_لسه كمان سبع شهور
_سبع شهور بس ده بعيد اوى انا عايزاه يجى على طول
_دول هيعدوا علطول فكرى انتى بس لما يجى النونو هتعملى معاه ايه
مرت فتره من الزمن ولم تتراجع اﻷم عن رأيها بل انها رفضت ان تجتمع بهم او ان تقابلهم وبالفعل تزوج كلا من نيره وحازم وكان الكل يعيش حياه هادئه ومليئه بالسعاده ولم يعكر صفو حياتهم سوى رفض والدتهم لهم واحساسهم بالذنب
النهاية
وفى يوم جاء اتصال لفارس ليعرف ان والدته أصيبت فى حاډث سير وعندما ذهب الجميع إليها اكتشفوا انها لن تستطيع المشى مره ثانيه رفضت اﻷم ان يظل احد منهم معها سواء فى المشفى او البيت ولكن فارس اخذها رغما عنها لكى تعيش معه وهى لم تستطع الرفض بسبب عجزها وباع الفيﻻ وخصص للداده مرتب شهرى كأنها مازالت تعمل عندهم وكانت فريده تعاملها احسن معامله وتحسن إليها وكانت اﻷم فى قمه استغرابها من تصرفها معها على الرغم من كل ما فعلته معها كانت تنتظر معامله اخرى منها ولكنها فاجأتها
رويدا اكتشفت اﻷم ان كل ما قالوه كان حقيقه وانها هى من كانت تفكر بطريقه سطحيه وهذا بعد ان تخلى عنها من كانت تسميهم صديقاتها بعد ان تيقنوا انهم لن يستطيعوا اﻷستفاده منها بعد ذلك حتى اختها لم تسأل عليها مره واحده
انجبت فريده صبى سموه على اسم الرسول الغالى محمد وكان يشبه فارس جدا فى كل مﻻمحه ولم يترك منه شئ وكان يوم والدتها على الرغم من اﻷلم الشديد الذى كانت تشعر به وقتها ولكنها كانت تضحك بشده على رد فعل فارس وقتها ذهبت هيبه رجل اﻷعمال الذى يهاب منه الكل وحل محله طفل فى العاشره ﻻ يستطيع التصرف وينتظر من احد ما ان يوجهه وبعد ان ولد الطفل كان خائڤ من ان يحمله لكى ﻻ يؤذيه وعندما حمله بكى وهو ﻻ يستطيع ان يوقف دموعه واذن فى اذنه وكبر فى اﻷذن الثانيه وحنكه وكان فى قمه سعادته وهو ينظر له للشبه الشديد بينهم ...
مرت اعوام ورزق كلا من نيره
مرت الحياه هانئه ﻻ يعكر صفوها سوى بعض المشكﻻت البسيطه التى تحل فى وقتها
تمت
