حواديت مريم وادهم بقلم مريم وليد محمد
المحتويات
يعني..
هو ايه اللي اعمل ايه انا اللي اعمل ايه واجيب منين!
في الاوقات اللي زي دي احب جدا اسمع سامو زين خلصت طبقي وشيلت التربيزة واديتهم مساحة يتخانقوا ودخلت اوضتي فتحت الموبايل فلقيت مسچات كتير جدا من مروان.
مريم أنا عاوزك ممكن تردي عليا!
محتاجك أوي والله
حاسس إني مش هعرف أحكي لحد تاني يا مريم محدش بيفهمني غيرك
كنت بشوف مسچاته وأنا مش عارفة أعمل إيه واضح إنه كان مستنيني افتح التليفون علشان يرن.. رديت عليه فوصلني صوته كأنه بيستغيث
مريم! أنا.. أنا مش كويس.
فيه إيه يا مروان أهدى وأحكيلي..
سكت ثواني وبعدين اتنفس
فاكرة سلمى
ازاي الإنسان بيوصف إحساس إن قلبه اتساب بدبوس فوقه من أوهامه!
مالها..
قالتلي إنها مش مستحملة تكمل معايا وقالتلي إني صعب..
كان بيتكلم بيتكلم كتير.. وأنا كان كل اللي بيدور في دماغي اغنية سميرة سعيد
وأنا اللي كنت فاكرة إنه هيشتكي من بعدي.. فاجئني بقصة تانية ضيعت الحلم الوردي وأنا اللي كنت فاكرة إني وحدي اللي في قلبه اتاري واحدة تانية جت في ثانية اخدت قلبه اوام.
أعمل إيه
كانت عيني بدأت تدمع مسحت دموعي.. تمالكت نفسي وكملت بحدية
امسح رقمي ومتحاولش توصل لي علشان تحكيلي مشاكلك النفسية تاني يا مروان أنا مش الثيرابيست بتاعتك أنا كنت البنت اللس هبقى خطيبتك
أخدت نفس عميق وكملت قبل ما أقفل
حقها تسيبك يا مروان أنت أناني.. يهمك اللي يسمعك يهمك اللي يحسسك إنك ضحية كنت مستني مني إيه اطبطب عليك وتقولي شكرا.. وبكره ترجعوا فتمسح رقمي علشان البنت اللي بتحبها متقبلش الاكس تبقى عندك! أنا من أمتى كنت بقبل على نفسي أبقى طرف تالت أنا اللي قطعت كل طرق وسبل وصولك ليا.. أرجوك أحترم إني مش طيقاك.
قفلت الموبايل في وشه مسحت رقمه وعملت بلوك كنت حاسة إني مش قادرة اتنفس روحي مش بتروح علشان مروان كلمني.. بس لأني حاولت كتير في علاقة بايظة حقي فيها مهدور.
دخلت لبست چيبة وچاكت وشال لفيت الطرحة ولبست فوقيها أيس كاب.. معرفش بختفي ولا بحارب البرد نزلت اتمشى شوية وأنا معرفش وجهتي الأخيرة إيه لقيتني واقفة ببص على بتاع الدرة ومش عارفة أخد خطوة.. دخلت إيدي في جيب الچاكت ملقتش فلوسي شنطتي مش في ايدي.. نسيت كل حاجة فوق اتنفست بتعب وروحت ناحية الكورنيش قعدت كنت بحاول اتنفس من تاني.. غالبا نسيت الناس بتتنفس ازاي!
اتفضلي..
بصيت للدرة اللي ممدودالي ورفعت راسي له
بتراقبني
القدر عاوز يجمعنا صدفة واضحة..
مكنش عندي طاقة أعافر فسيبته يقعد وأخدت منه الدرة
هديك فلوسك لما اشوفك نسيت حاجتي في البيت.
لو
بصيت له فكمل وهو بيحط كوز الدرة التاني جنبه وحط ايده في جيبه ورجع ورا
ربنا يهديك يا مريم والله كلي وأنت ساكتة.
أنت مش هتاكل!
حرك راسه بنفي وكمل
مبحبش الدرة.
جبت اتنين ليه طيب
اتنهد وكمل وهو بيبص للسما
أوقات بنعمل حاجات مش بنحبها علشان ناس بنحبها.. لو فضلت عاوزة كلي دي كمان.
معرفش ليه من حنية الموقف حسيت إني عاوزة أعيط كنت باكل الدرة.. وعيوني بتدمع طلع بجسمه ووشه لقدام واتنهد
مريم! مش ناوية تريسكي وتحكيلي مالك
كنت بحبه يا أدهم أو كنت متعلقة بذكرياتنا معرفش بحاول مع علاقتنا كتير هو مخانيش.. مكناش سوا لما شوفته معاها بس كنت فاكرة اننا لسه سوا يعني لسه عنده مشاعر لقيته مكلمني يحكيلي عنها..
ضحكت بسخرية
عارف احساس لما حد بتحبه يحكيلك عن حد بيحبه!
أخد نفس وخرجه وكمل
عارفه ده أنا عايشه..
بصيت له فكمل
مش مهم أنت زعلت علشان لسه بتحبيه كنت متوقعة منه يفضل مستنيكي يعني!
حركت راسي بنفي وكملت
لأ بس أكيد في أصعب توقعات متهيأليش إنه هيكلمني يشتكيلي من قصص حبه الفاشلة.
مريم..
بصيت له فكمل
هو أنت إيه اللي مخليكي تايهة طيب أنا كنت فاكر إن كل ده لأنك مش عارفة تكتبي فحاسة
إنك مش شاطرة.
طيب ما آه..
اتنهد وكمل
هو يعني إيه
متسمعش عن التراكمات
حرك راسه بنفي فكملت
خلاص أقعد ساكت بقى.
كان قاعد ساكت فعلا الغريب إني حاسة إن أحنا الاتنين مهزومين نفس الهزيمة حاسة إن النفس بقى أصعب قطع سكوتنا صوتي فجأة
أنا ممكن تكون مشاعري مكانتش حقيقية صح!
أنت حاسة بأيه طيب.. حاسة إيه اللي واجعك
بطني والله.
رفع حاجبه وبصلي فضحكت ضحك باستسلام وكمل
أنت صعبة والله.
وإيه جايبك ورايا
اتنهد وكمل وهو بيقف
قومي نتمشى يلا وأروحك الوقت اتأخر.
حركت راسي بماشي مشي جنبي وهو بياكل الدرة فقابلنا ولد صغير شده من الچاكيت كمل
عاوز يا استاذ حتة يا استاذ..
ابتسم بهدوء واداهوله وحط ايده على
راسه
الجو برد أوي ليه بتلف دلوقتي
جعان..
بصلي وكمل بهدوء
دقيقة وجاي أقعدي هنا متتحركيش يا مريم ها..
ابتسمتله وحركت راسي بحاضر وقعدت في مكان قريب
كنت قاعدة بحط ايدي على بعض وبنفخ فيهم علشان الجو بقى برد جدا الحنية غير مكتسبة الحنية عادة عند الشخص وهو شخص حنين جدا الله أكبر غاب عشر دقايق رجع لقيت الولد في إيده اكل ومعاه بطانية كانت مامته قاعدة على فرشة بتبيع مناديل جري ناحيتها اداها الحاجة وأدهم كان بيتكلم معاها.. المشهد بالنسبالي كان جميل لدرجة إني عاوزة أحضن المشهد خلص وجالي
أنا آسف اتأخرت عليك..
ابتسمت بهدوء وحركت راسي بنفي
ولا حاجة
ابتسم وكمل وهو بيبصلي
بردانة
ضحكت
هتقلع الچاكت ولا إيه يا ترى!
الله أكبر عليه
متابعة القراءة
