اتجوزت مريضتي

إنك تعرف الحقيقة قبل ما تموت، لأن أبوك هو آخر شخص شافته أمها قبل ما تختفي!
حكايات بسمه 
الصمت نزل عليا زي الصاعقة! أنفاسي اتسحبت من صدري كأن الهوا انقطع فجأة، والدنيا لفت بيا في أرض المقابر الباردة. الشوارع الشجرية والمقابر الرخامية والهدوء المرعب، كل حاجة حوليا تحولت لشبح بيطارد عقلي.
بصيت لمريمأخت ملكاللي كانت واقفة قدامي، دموعها نازلة على خدودها وشفايفها بتترعش، وجسمي كله بدأ يتفاض.
مسكت الظرف بإيد بتترعش، وصوتي خرج مكسور ومبحوح بالعافية
أمهّا تختفي؟! أختك ملك تقصد إيه بإن أبويا هو آخر شخص شاف أمها قبل ما تختفي من أكتر من عشر سنين؟! أبويا راجل غلبان طول عمره شغال في ورشة خياطة وبيدوب في عرق عيشه! إيه اللي يربط أبويا بعيلة ملك؟!
مريم قربت مني بخطوات ثقيلة، ومسحت دموعها بمنديل، وطلعت من شنطتها كراسة قديمة بغلاف أزرق متهالك، أوراقها أصفرت من السنين، ومدتها لي بإيدين بتتهز
دي مذكرات أمي.. الله يرحمها ويغفر لها. أمي فريدة اختفت فجأة من 12 سنة لما أنا كان عندي 8 سنين وملك عندها 6 سنين! وقتها الشرطة والنيابة قالوا إنها هربت أو اتخطفت، والقضية اتقفلت ضد مجهول. بس ملك قبل ما تتعب وتترمي في المستشفى، فضلت تدور في كراكيب بيتنا لحد ما لقيت المذكرات دي، وعرفت إن السر كله كان في الورشة اللي شغال فيها أبوك الحاج منصور!
أنا اتسمرت مكاني. اسم أبويا منصور!
قلبي كان بيدق بعنف، صوته كان طالع في ودني كأنه طبول حرب. مسكت الكراسة الزرقاء، وفتحت أول صفحة مكتوبة بخط يد أنيق ودافئ، وبدأت أقرأ والسطور كانت بتتحرك قدام عيني كأنها كابوس.
اليوم 14 أكتوبر 2014.. أنا رايحة الورشة للحاج منصور عشان أستلم أوراق الأمانات والوصية اللي جوزي سابها عنده قبل ما يموت. منصور هو الوحيد اللي عارف مكان الوديعة اللي هتأمن مستقبل بناتي ملك ومريم.. ربنا يستر، أنا حاسة إن فيه حد بيراقبني في السكة.
وقفت قراءة.. الصفحة اللي بعدها كانت متقطعة ومغسولة بقع دم جافة قديمة!
وفي الصفحة الأخيرة، كانت فيه جملة خطها مائل ومضطرب مكتوبة بلهفة خايفة
لو حصلي حاجة.. منصور الشناوي هو السر.. هو اللي أخد الأوراق والوديعة عشان يحمي البنتين من عمهم العنيف!
عيني اتسعت بذهول ورعب لا يُطاق!
أبويا منصور.. الراجل الطيب اللي كان بيصحى من أربعة الفجر يدور على لقمة عيشنا، الراجل اللي كان بيشقى عشان يدفعل مصاريف كلية الطب ويقوللي يا يوسف يا ابني، أنا عايزك دكتور نضيف مالكش دعوة بظلم الدنيا.. أبويا كان شايل سر اختفاء أم ملك، وشايل أمانة ووديعة تخص البنات طوال 12 سنة؟!
مريم بصتلي بنظرة مليانة حزن واعتراف، وقالت بصوت خافت
ملك لما اكتشفت المذكرات دي من سنتين، عرفت إن عمنا القاسي توفيق كان يدور على الوديعة والأرض اللي سابها أبونا، وعرفت إن أمنا لما راحت لأبوك، عمنا تتبعها ودبر حادثة عشان ياخد الأوراق! أبوك أنقذ ملك المريضة يومها وهربها في المستشفى اللي كنت بتتدرب فيها وأنت طالب.. أنت يا يوسف اللي شيلت ملك على إيديك وهي طفلة مرعوبة ونقلتها لأقرب أوضة تمريض، ووقفت قدام عمها وقلتله الطفلة دي تحت رعايتي ومش هتاخدها!
تداعت الذكريات في عقلي كأنها سيل جارف!
رجعت بي السنين لأول سنة ليا في التدريب الطبي.. افتكرت اليوم المطير ده لما دخلت طفلة خايفة المستشفى، ماسكة عروسة قماش صغيرة، وكان وراها راجل ضخم بيصرخ، وأنا وقفت قدامه وحميتها لحد ما الأمن جه والراجل هرب!
الطفلة دي كانت ملك!
والعروسة القماش هي نفس اللعبة اللي كانت موجودة في الصورة القديمة جوة العلبة!
مريم كملت والدموع في عينيها
ملك من يومها مانسيتش وشك، ولا نسيت إيدك اللي طبطبت عليها. ولما كبرت وتعبت بمرض الدم، وعرفت إن أيامها معدودة، قررت تفتش عليك وتوصل للمستشفى اللي شغّال فيها.. مش بس عشان تكشف السر، لكن عشان تكون أخر حاجة تشوفها في الدنيا هي الوش الوحيد اللي حسسها بالأمان في طفولتها!
أنا سقطت على ركبتي فوق تراب المقابر البارد. العلبة والجواب والمذكرات كانوا في حضني، ودموعي نزلت حارة ومكتومة.
البنت اللي كانت بتضحك في وشي وتقوللي هو الابتسام بفلوس يا دكتور؟.. البنت اللي لبست الطرحة البيضا والشرائط الطبية في أوضة المستشفى وصممت تكون عروستي لمدة 3 أيام.. كانت بتحارب السرطان والظلم والماضي، وعاشت أخر أيامها عشان تسلمني الأمانة وترد جَميل طفولتها!
قمت وقفت بصلابة، مسحت دموعي بإيدين جامدة، وبصيت لمريم
أبويا فين دلوقتي يا مريم؟
مريم ردت بصوت مرتعش
أبوك موجود في الورشة القديمة.. ومستنيك من الصبح. ملك بعتتله رسالة قبل ما تتوفى بساعات، وقالتله يوسف عرف كل حاجة.. وجه الوقت اللي ترد فيه الأمانة لأصحابها.
بعد نص ساعة..
وصلت للورشة القديمة في أطراف حي الحسين. المبنى الخشبي القديم، ريحة القماش والغبار، وصوت المكنة الخياطة القديمة اللي كانت شغال ببطء.
فتحت الباب الخشبي الموارب..
كان قاعد الحاج منصور، أبويا، على كرسيه الخشبي القديم، شعره الأبيض نازل على جبينه، وإيديه المجهدة بتترعش وهو ماسك صندوق حديدي قديم ومصدّي.
أول ما شافني واقف عند الباب ومعايا مريم، أخد نفس طويل، ودمعة دافية نزلت من عينيه على لحيته البيضاء.
قال بصوت مبحوح مليان شجن ووقار
تأخرت يا يوسف يا ابني.. كنت عارف إنك هتيجي في اليوم ده.
قربت منه بخطوات