اسكريبت بقلم سوزان عبدالله
ماشاء الله جميل
وانت
عندي 20سنة اداب علم نفس اكلينكي
لسه بتدرسي يعني
اه لسه سنتين اهو
ربنا معاكي هيعدو بسرعة
إن شاء الله
ناوية تعملي ايه بعد كده
عايزة ابقا دكتورة نفسية واعالج المرضى لأن فيه ناس كتيرة بتبقا محتاجة حد ياخد بإيديها وعايزه أبقا الحد ده
هتبقي دكتورة شاطرة اوي أصل انا جربت
تسلم قالتها مع ابتسامة بكسوف
عدا اليوم بعد اما خلصنا ف الكافيه اتمشينا شوية واتكلمنا ف حاجات كتير طلعت ظريفة بشكل عمالة بتشدني ليها اكتر واكتر خدت رقمها بحجة انها تعالجني ببلاش حجة بايخة اوي بس مش مهم يعني
باك
وبعدين حصل ايه
عدا خمس شهور متقبلناش بس كنت كل شوية ادخل اكلمها واتس أو فون مرة ف مرة خدت عليا كلامنا زاد كنا صحاب بنحكي لبعض اي تفاصيل
واعترفت بحبك ليها امتا
كنت بكلمها ع زميلة ليا ف الشغل وقد ايه هي ملزقة وبتحاول ب اي طريقة تقرب مني أو تكلمني لاحظت ف كلامها الغيرة حاولت ازود ف الموضوع عشان أتأكد لدرجة أنها قفلت مرة وحسيت انها بتعيط رنيت عليها مرتين مردتش رنيت التالتة ردت كان باين ف صوتها
شهد
مابين شهقاتها ردت
نعم
أنا بحبك
ايه
بحبك أنا عديت مرحلة الحب بمراحل أنا بعشقك
...
وقالتلك ايه
قفلت ف وشي
احم أنا اسفة بس الموقف مضحك مش قادرة مضحكش
موقف غريب بصراحة
اسفه اسفه كمل
....
رنيت عليها تاني ردت ومكنتش عارفة تقول ايه كنت حاسس بكسوفها متخيلها ومتخيل وشها وهو بقا شبه الطماطم من كتر الكسوف
انا اسف
ع ايه
ممكن اضايقتي لما اعترفتلك بحبي اعتبريني مقولتش حاجة خالص
أنا كمان بحبك
ومش هفتح السيرة دي تا.. ايه
أنا كمان بحبك قالتها بالراحة بصوتها الهادي
انتي بتتكلمي جد
اه والله
شهد
نعم
هاتي رقم والدك بسرعة
ليه
عايز اشرب شاي معاه واطلبك منه
انت بتهزر صح
اه
ايه
اكيد لا ياشهد انجزي مفيش وقت
.....
اتقدمتلها
اه واتخطبنا قعدنا سنة جميلة كلها فرح مانكرش إن كان فيه خناق ومشاكل بس ده طبيعي الحياة كده
وبعدين
...
جات يوم كلمتني بحماس وطلبت
خير يابنتي جيباني ع ملا وشي ليه
عملتلك حتة مفاجئة هتبهرك
ياستار يارب
بقا كده طب مش هقولك بقا
خلاص ياستي حقك عليا
كان نفسك ف ايه
جبتيلي طيارة ولا ايه
بطل رخامة بقا
طب قولي يلا
كان ف إعلان عايزين لاعبين كورة جداد ويكونو كويسين ف لعبهم وانا قدمتلك
بتتكلمي جد قولتها بصدمة وفرح مكنتش فاهم مشاعري كنت خايف لاترفض للمرة المليون
اه والله هتحقق حلمك خلاص
شكرا شكرا اوي انتي ديما بتساعديني أنا بحبك اوي
يلا بقا جهز حالك قدامك اسبوع عايزك تبهرهم
..
واتقبلت
اه وياريتني مااتقبلت
ليه
من شروط الانضمام إن أول سنة ف الاشتراك اني اكون عازب مش على اي علاقة
اكيد مسبتهاش صح
سكتت معرفتش اتكلم ولا اقول ايه لاني كنت غبي مثلا
أنا كنت اناني واخترت حلمي وسبتها بس كنت ع أمل اني هرجع اللاقيها مستنياني
اتجوزت
ماتت...
ايه قالتها بصدمة ودموع بتنزل من عينيها وعيني وجعتني اوي فراقها
نسيت انها تعبانة عندها القلب ممنوعة من اي زعل بس
........
ف المدافن
أنا آسف اكيد مش مسامحاني أنا اصلا مش مسامح نفسي مش قادر اسامحها كنت لاول مرة اختار غلط من بعد كلامك ليا كنت ديما بحسبها صح يوم اما اخترت غلط خسرتك للابد أنا كنت هرجعلك تاني ونتجوز بس انتي مشيتي وسبتيني أنا مش قادر اتخطاك بتخيلك ف كل مكان حياتي وقفت من غيرك مكملتش حلمي اللي اخترته بدالك أنا طلعت اناني فعلا كان عندك حق أنا مستاهلش اني اعيش مفروض أنا اللي أموت مش انتي ليه سيبتينيي ليه مكنش حد فاهمني غيرك أنا غبي أنا خسرت احن واحدة واطيب واحدة ف حياتي محدش ساعدني غيرك وبكل سهولة سيبتك عارفة أنا روحت لدكتورة نفسية عشان اتعالج من فراقك لانه قاتلني اهلي ودوني ليها غصب عني حكيتلها عنك كل يوم بتكلم عنك ديما ف بالي كنت عايزك انتي اللي تساعديني لانك كنتي هتكوني دكتورة شاطرة أنا اسف سامحيني ياشهد سامحيني أو لا متسامحينيش أنا مستهلش اي حاجة منك مستاهلش
.......
اراك تندم
تمت
سوزان_عبدالله
رأيكم يهمني
