اسكريبت بقلم سوزان عبدالله
انت هتمشي بجد
انا اسف ياشهد بس ده حلمي
طب وانا
هرجعلك تاني
امتا
لما احقق حلمي وأجهز نفسي للجواز
بس انت جاهز من كل حاجة شغل وبيت وعربية باقيلك ايه
اني احقق حلمي صدقيني هرجعلك تاني
امتا ها امتا قالتها بزعيق
اهدي ياشهد الناس بتتفرج علينا
طب ماتتفرج هيحصل ايه يعني اكتر من كده
انا هبقا مشهور ده مش هيفرحك
اكيد كان هيفرحني بس لو انا معاك بس انت هتسبني
انت عارفة شرطهم ايه عشان اتقبل مينفعش اكون متجوز اول سنة ولا خاطب
طب وليه عشمتني من الاول
مكنتش اعرف ان الفرصة هتجيلي دلوقتي انتي عارفة اني مستني اليوم ده بقالي قد ايه
لما تجيلك تسبني وتمشي طب ماانا اللي شجعتك انك تقدم
ياشهد أنا ..
انت ايه انت اناني أنا بكرهك انت فاهم بكرهك
.....
الحكاية انتهت من سنتين
طب وبدأت امتا
من سنة قبلهم ..
فلاش_باك
كانت حياتي كلها غريبة عايش بلا هدف زي ماكان اهلي ديما يقولو ف اي تجمع كان حلمي واحد وهو اني ابقا لاعب كورة مشهور بس للاسف كل مرة بشترك يحصل حاجة تمنع وصولي للهدف ده كنت خارج مخنوق مش طايق نفسي قعدت ع البحر عيوني حمرة بتنفس بسرعة
ليه يارب ليه كل اما خلاص اقرب اوصل الباب يتقفل ف وشي
حسيت ب حد قاعد جنبي مديتش اي اهتمام بس سمعت صوت بنت بتتكلم
مش كل حاجة بنتمناها لازم تحصل ساعات الحاجة دي بتكون شر ليك
بس ده حلمي الوحيد
بص حواليك هتلاقي حاجات كتيرة حلوة بس انت قافل ع نفسك
انت مش فهماني محدش فاهمني
انت مش فاهم نفسك حاول تفهمها
اهلي شايفيني فاشل
انت شايف نفسك كده
مش عارف
زي ماقولتلك انت مش فاهم نفسك انت محتاج تفهمها كويس عشان تعرف تعيش او بالأصح تعرف تختار صح ..
فضلت ساكت كلامها صح أنا عمري ما فكرت ف نفسي او حتى أنا عايز ايه كره اهلي ليا تدخلهم ف حياتي اختيارهم لكل حاجة بعملها خلاني مش عارف انا عايز ايه الكورة حلمي بس اكيد ف حاجة تانية جوايا .
أنا خريج كلية السن معايا 3 لغات لغيتين من الكلية ولغة كورس مفكرتش اني اقدم ف شغل كان كل همي اني اوصل للكورة وبس قطع تفكيري كلامها
اسفه اني قعدت من غير م استئذنك واني اتكلمت وانت متعرفنيش
فضلت باصصلها شوية سرحت فيها ملامحها هادية تشدك مش حاطة ميك اب طبيعية مش واو بس لو ركزت
حضرتك معايا
فوقت من سرحاني
ولا يهمك ممكن كنت محتاج حد يفوقني وربنا بعتك ليا شكرا بجد
ابتسمت من غير كلام وقامت قومت وراها بسرعة
ياسين وانتي
مديت ايدي ليها بس هي ممدتش ايديها
اسفه مبسلمش
احم اسف
ولا يهمك اسمي مش هيفرق كتير اعتبرني فاعل خير
طب مش هنتقابل تاني
سيبها لظروفها
مشت وسبتني فضلت باصص ع أثرها مختلفة جميلة هادية عاقلة محترمة ومجنونة عشان تتكلم مع حد غريب متعرفوش اكيد لازم تشغل عقلي مفيش حد كده الايام دي ..
.....
طب وبعدين حصل ايه
فوقت لنفسي كلامها فوقني اداني طاقة إيجابية قعدت مع نفسي اشوف ف ايه ناقصني أو أنا محتاج ايه بصيت لنفسي من منظور تاني اكتشفت وقتها نفسي واني استاهل اني اجرب حاجات كتير وجربت قدمت ف شركة اترفضت وكنت هيأس بس افتكرت كلامها و شكلها قدمت تاني وتالت وقدمت رابع وكنت ماشي محبط إن مفيش امل مني بس اللي حصل عكس توقعاتي
ازاي
فلاش_باك
كنت قاعد ف كافيه حزين ببص ف اللاشئ طالب قهوة سادة مع اني مبحبش القهوة بحرك عيني بالصدفة لقيتها داخلة الكافيه بطلتها القمر كانت لوحدها قعدت ف ركن بعيد عن الأنظار بس مش بعيد عن عيني فضلت باصص
الو
استاذ ياسين المحمدي معايا
ايوا مين حضرتك
حضرتك كنت مقدم ف شركة واتقبلت فيها
قول والله قولتها بصدمة وفرح وصوت عالي
اه والله
شكرا ليك شكرا بجد
قفلت معاه وفوقت للي عملته واكتشفت ان صوتي كان عالي والناس كلها كانت مركزة معايا حتى هي قربت عليها
هتستغربيني ازاي خدت الخطوة بس كان لازم اشكرها لأنها السبب
ازيك بصت عليا وردت
الحمد لله وانت
الحمد لله كنت حابب اشكرك جدا
ع ايه قالتها بإستغراب
كلامك فوقني مكنتش شايف نفسي ومكنتش عارف انا عايز ايه قدمت شغل ف شركات كتير وكنت بترفض بس كلامك كان بيشجعني اني محبطش وأكمل والنهاردة فيه شركة رنت عليا وقبلوني وكل ده بفضلك بعد ربنا
مبارك فرحتلك جدا والله
تسمحيلي اعزمك ع حاجة
مش مستاهلة والله
لا ازاي تستاهل كتير اوي
وافقت بعد مناهدة مني وإصرار كنت مبسوط كانت الاول مش عارفه تقول ايه ولا أنا أول مرة اصلا اتحط ف موقف زي ده بس حاولت ابدأ ب اي حاجة
أنا ياسين مش عارف فاكرة ولا لا هزت راسها
وانا شهد
اسمك جميل
تسلم
عندي
