إمامي ومنقذي كاملة بقلم ايه محمد

كنت هنام بس لقيت فاضل عشر دقايق قولت لو نمت مش هصليه
حمزة وقال بإحباط
حمزة أقسم بالله أنا مش فاهمك ولا عارف انتي شخصيتك إيه ولا أنتي طالعه في حياتي بكام دور
حبيبة بغرور أنا مش أي حد يفهمني وأنت بذكائك الأقل من متوسط طبعا صعب
حمزة اقل من متوسط!!
حبيبة ما انا قولتلك لا تسوي حالك شغله يا عيوني
حمزة دخيلي أنا البنت الخليجيه متجوز قناة روتانا يا ناس صياعه تلاقي عياط تلاقي صوت حلو تلاقي شبح تلاقي
حبيبة يب أنا فريدة من نوعي
حمزة كفاية غرور بقي
حبيبة عارف أنا نفسي في إيه دلوقتي
حمزة لحظة رومانسيه أكيد حاجه من تلات حروف خش في حضڼ أخوك يا فواز
حبيبة بضحك لا أربعه
حمزة لا مش فاهم
حبيبة بضحك نفسي في فسيخ
حمزة فسيخ!!!! بقي دي كلمه تتقال في لحظة زي دي
حبيبة لحظة إيه يا ابني أنت مش عارفه الثقة بتاعتك دي جايبها منين أنا لسه عارفاك من إسبوع اصلا المهم متعصبنيش هاتلي فسيخ انت مش جوزي وانا مسئوله منك!!
حمزة أنتي عارفه كيلو الفسيخ بكام دلوقتي!! هجيبلك ورده أحلي وحتي ريحتها احسن
حبيبة ورده!! مش بوكيه حتي!! ودا هعمل عليه شوربه!! بقولك إيه يا حمزة أنا مليش في الرومانسيه الفسكانه دي 
عارف يسريه وإبراهيم!!
حمزة بتاعت الورد أحسن من كيلو الكباب
حبيبة الله ينور عليك انا بقي عكسها بتاعت كيلو الكباب مش الورد عشان دي وليه هبله
حمزة بتاعت بطنك يعني اتاريكي
حبيبة اتاريني!!!! إنت شكلك عاوز تتهور وتقول حاجه
حمزة لا لا أنتي زي الفل أنا يدوب أروح اتوضي عشان ألحق الصلاه وبعدين نشوف موضوع الفسيخ دا
حبيبة طب أستني عندي طلب ممكن تنفذهولي!
حمزة إيه هو!!
حبيبة عاوزة أتمشي شوية قبل الشمس ما تطلع عشان خاطري يا ميزو
حمزة ميزو!! إيه القرف دا هو كدا دلع دا قرف
حبيبة إيه كل دا يا ساتر يا أخي منه لله اللي يدلعك قصرو هتخرجني ولا اتخمد
حمزة قصروا!! ما علينا صلي الفجر وإلبسي علي ما اجي سيبيني بقي أروح أتوضا الصلاه هتفوتني
حبيبة خلاص ماشي روح
حمزة أتوضي وخرج من الحمام لقي حبيبة في الصالة بتدور علي حاجه
حمزة بتدوري علي إيه!!
حبيبة الساعه بتاعتي كنت سايباها ع الكنبه هنا روح أنت عشان تلحق الصلاه مش هتستني عمي إبراهيم ولا إيه!!
حمزة انتي مش عايشه معانا ولا إيه!! بابا راح يجيب إيجار الأرض
حمزة اتجه لباب الشقة وفتحه وبصلها تاني لما سألته
حبيبة إيه دا ارض إيه أنتوا اغنيه ولا إيه!!
حمزة بضحك يا ستي دا الف و 300 جنيه هيجي بكرا علي الظهر كدا
حبيبة طيب ماشي
حمزة لسه بيلتفت وهيخرج ولكن وقف مكانه علي صوت حبيبه
حبيبة بصړاخ حمزة متخرجش
ويتبع
آية محمد
إمامي ومنقذي 6
حبيبة بصړاخ حمزة متخرجش
وقف حمزة مكانه بيبصلها پصدمه هي دخلت جوا ورجعت بكوباية كبيرة بتقلب فيها بالمعلقه ورشتها علي الباب
حبيبة بسم الله الذي لا يضر مع اسمه شيء في الأرض ولا في السماء
حمزة في إيه!!
حبيبة كان في حاجه مرشوشه علي الباب مايه ولا إيه مش عارفه
حمزة إهدي يا حبيبة في إيه! أكيد مايه واقعه بالغلط ولا عيل من ولاد الجيران في إيه إهدي
حبيبة لا لا أنا عارفه أنها هتعمل حاجه بس قولت يمكن تتقي ربنا
حمزة پصدمه قصدك مين! خالتك!!
حبيبة أيوا هو دا الكلام التاني اللي كان قصدها عليه كان ممكن ټتأذي بسببي أنت أو نورا أو عمي إبراهيم لا لا أنا مش هفضل هنا ثانيه واحده
حمزة إهدي إهدي مټخافيش مش هيحصل حاجه هي خالتك ليها يعني في الحاجات دي!!
حبيبة پغضب أيوا بس وربنا ما هسيبها
حمزة يبقي تبعدي عنها خالص
حبيبة أنا مش جبانه
حمزة دا مش جبن دا حرص
حبيبة أنت فاكر إنها طالما بدأت في السكه دي هتسكت قبل ما تأذيني أو تأذيك!!
حمزة يعني نخا ف ونترعب يا حبيبة!! ما أكيد هنعرف نوقفها عند حدها خليني بس أروح أصلي الفجر و أنا هتصرف
حبيبة لا لا صلي هنا النهارده
حمزة لا مش هقدر الأذان اذن يدوب ألحق وأنتي صلي ومتقلقيش
حبيبة سمي الله وأنت خارج
حمزة متقلقيش مش هعدي من عليها
حبيبة وأنا هنضف المكان
خرج حمزة وحبيبة قعدت مكانها مصدومه وفضلت تدعي أنها متدخلش في دوامه زي دي
رجع حمزة لقاها نايمة مكانها علي
الكنبه قرب منها وصحاها تدخل لأوضتها و سابها تنام
تاني يوم الصبح خرجت حبيبة من أوضتها وهي تعبانه ومصدعه من التفكير في الموقف اللي حصل
حبيبة بتعب صباح الخير
حمزة بضحك صباح النور أنتي معندكيش مشط تسرحي شعرك دا
حبيبة لا أنا مش طايقه نفسي هتسيبني أقعد معاك ولا أقوم اترمي جوا
حمزة لا خلاص خليكي قاعده
حبيبة نورا صحيت ولا لسه!!
حمزة أيوا صحيت و عملتلها ساندوتش وعصير وسيبتها قاعده علي
الموبايل جوا
حبيبة طب وأنت فطرت!!
حمزة لا مستنيكي نفطر سوا هروح أجيب فطار
حبيبة أنا مش جعانه يا حمزة
حمزة إيه اللي مضايقك كدا بس!!
حبيبة پغضب ماسكه نفسي بالعافيه أنا عاوزة أتصل بخالتي أبهدلها
حمزة أولا أنتي معندكيش دليل ثانيا لازم تهدي إن شاء الله اللي حصل مش هيتكرر
حبيبة يا رب ينتقم منها علي اللي بتعملوا في الناس دي دجاله دي شيطان
حمزة هي بتاخد فلوس من الناس وتعمل أعمال وكدا!!!
حبيبة بتاخد أيوا بس مش هي اللي بتعمل هي بتجيب زباين لواحد دجال
حمزة هبلغ عنها
حبيبة بلغ هي متفرقش معايا بجد بكرهها
حمزة بضحك أنتي پتكرهي الناس كلها!!
حبيبة پغضب ايوا بكرههم كلهم انا مش عاوزة حد في حياتي بكره أمي اللي سابتني لوحدي وبابا اللي معلمنيش اعتمد علي نفسي و جوزي اللي متجوزني شفقه أنا مش عاوزة حد محدش بېموت من الجوع ولا بېموت ناقص عمر
حمزة بجدية إهدي انا بهزر معاكي عشان شايف الموضوع مضايقك ليه واخده الموضوع بحساسيه كدا!!
حبيبة أنا بجد مش قادره وتعبت وعشان كدا انا لاقيت حل للمشكله
حمزة حل إيه!!
حبيبة هتعرف
حبيبة بتعب أنتي تاعبه ماما ليه يا بنت!!
نورا بحب تتعبني براحتها دي عوضي من الدنيا
حبيبة بقي كدا!! دا أنا بدافع عنك
نورا بكرا لما تبقي أم هتعرفي يا حبيبه
حبيبة مش هبقي يا نورا مش عاوزة أبقي مسئوله عن حد وأنا حمزة أصلا مش هنكمل
ولا هسمح نتمم جوازنا انا خدت قراري وكلمت عمي
نورا كلمتي عمك! قولتيله إيه وليه بتقولي كدا هو حمزة ضايقك!!
حبيبة قولتله أني عاوزة أمشي من هنا وقالي أنه هيجي ياخدني وأني مليش ذنب في اللي أخوه عمله زمان
نورا بس يا حبيبة أنتي وحمزة متجوزين!
حبيبة نتطلق
نورا ليه بس إيه اللي حصل لكل دا
حبيبة اللي حصل أن أتسرعت لما وافقت لما أتجوزت أخوكي لو أنا ليا عم ليه مقعدش عنده بدل اللي أنا عملته دا!! 
الصح أني أفضل في بيت أهلي ولو اخوكي عاوزني يبقي يتقدملي ويا أوافق يا لا إنما أنا مش مجبره أوافق عليه واقبل شفقته عليا أنا مستحيل اقبل أعيش بالشكل دا 
الطلاق أسلم حل بكدا هو يتحرر ويتجوز البنت اللي بيتمناها وأنا أخذ اللي يشبهني والحكاية تخلص علي كدا
نورا الكلام دا تقوليه قبل ما تتجوزيه تفكري هل هتعملي الخطوة ولا لا إنما أنتي وافقتي فكوني قد قرارك دا جواز مش لعبه اللي بينكم مش مجرد ورقه علفكرا
دق الباب ودخل حمزة قرب من حبيبه وسحبها من أيديها لبرا
حمزة عشر دقايق تغيري هدومك مستنيكي
حبيبة ايه!!!
حمزة أنتي لسه هتتصدمي!! يلا يا بنتي أخلصي
حبيبة طيب
حمزة بس بق
حبيبة هلبس حاجه واسعه حاضر
حمزة شطوره
حبيبة غيرت هدومها بسرعه وخرجت من غير نقطة ميكب وخبت كل شعرها حمزة أخدها من إيديها وخرج
حبيبة أقف هنا أنت شادد جموسه وراك ما تفهمني رايحين فين!!
حمزة طالعين رحله
حبيبة نعم يا عنيا!! أنت في إيه ولا في إيه!! أنا مبحبش البرود علفكرا متبقاش الدنيا مولعه وأنت في عالم موازي
حمزة يا حبيبتي إحنا عرسان جداد
حبيبة أولا حبتك عق
حمزة حط إيده علي بوقها للعربية و سابها ولف ركب مكانه وطلع بالعربيه
حمزة برميل زباله متحرك
حبيبة أنت قصدك عليا!! خد بالك أنك بتتطاول عليا في الكلام وأنا ساكته
حمزة نهار مش فايت هو أنتي كدا مش ساكته! أومال لو اتكلمتي هتعملي إيه هتبلعي العيال الصغيره!!
حبيبة لا حول ولا قوة إلا بالله هو انت يا ابني هتجنني رحلة إيه اللي طالعها وأختك عيانه وابويا في غيبوبه وابوك مش طايقنا إحنا الإتنين و كان هيتعملنا عمل إمبارح
حمزة نورا
الدكتورة طمنتنا عليها الحمد لله و عمي حسن وضعه أحسن بكتير ومحصلناش
حاجه وزي الفل أهوه بصي
أنا شوفت الموضوع ضايقك أوي ف قولت اعمل حاجه بما أني واخد أجازة النهارده
حبيبة بس أنا تعبانه يا حمزة مش قادره
حمزة أنتي مش هتعملي حاجه إحنا هنروح جنينه نقعد شوية
حبيبة لا خلاص طالما كدا كدا خرجنا يبقي نلف شوية
حمزة هنروح الغورية نلف شوية و تشتري قماش لو حابه ونلف في المعز و نطلع علي جنينة الأزهر وهناك بقي عاملك مفاجأه
حبيبة ربنا يستر طيب يلا بينا
بعد نص ساعه حمزة وصل الغورية مكان في القاهره فيه مساجد ومباني قديمه ومشهور بالقماش اللي فيه كانت أول زيارة لحبيبة للمكان وأنبهرت بيها أتجولت مع حمزة في شوارع الغورية الضيقة وصلوا في المسجد وأشترت أقمشه كتير ليها ولنورا وحبيبة
كملوا لف في شارع المعز وحمزة أشتري ليها سلسله محفور عليها إسمها
مسك موبايله ولفه إيده علي كتفها وأتصوروا صورة للذكري
حمزة أنتي بصالي في الصورة ليه كدا
حبيبة أنت إزاي تحط إيدك عليا كدا!!
حمزة كدا إزاي! إحنا كنا بنتصور
حبيبة أيوا مش لازم تحط إيدك عليا عشان نتصور
حمزة أنتي عبيطه يا بنتي أنتي مراتي بطلي عبط أكيد مش هتزعلي مني عشان كدا
حبيية طيب انت هتأكلني ولا لا
حمزة هأكلك حاضر يلا علي الجنينه
ركبوا العربية وبعد عشر دقايق كانوا في جنينة الأزهر المكان كان واسع وجميل ومليان خضره وزرع قعدت حبيبة وسندت ضهرها علي شجره وحمزة قدامها
حبيبة بتعب هاتلي أكل بقي يا حمزة أنا جوعت
حمزة بضحك شكلك عامل زي العيال الصغيره بجد أصبري الأكل جاي في الطريق
حبيبة مين اللي جايبه!
حمزة هتعرفي
بعد عشر دقايق حمزة راح لباب الجنينة وأخد الأكل ورجع ليها تاني وحط مفرش علي الارض وعليه الأكل 
حبيبة سحبت الكيس وفتحته بسرعه
حبيية الريحه دي أنا عارفاها كويس أوي الله فسيخ بجد
حمزة بضحك خدي و ورد كمان مش حارمك من حاجه
حبيبة بضحك طب بس أبعده عن الفسيخ ليحصله حاجه أنت عملت ايه
حمزة بضحك أنا جيبته وخليت نورهان ظبطته وعلي هو اللي جابه
حبيبة لازم نشكرهم بجد طيب هات العيش يلا واللمون والبصل
حمزة حاضر حاضر أصبري دا الجنينه كلها هتطفش مننا دلوقتي
حبيبة بضحك إحنا قاعدين في زاوية بعيده ان شاء الله منضربش السياحه
حمزة الله جميل دوقي كدا
حبيبة أنا هدوق أهوه
حمزة يا ستي كلي من إيديا والله غاسلها
حبيبة بضحك مصدقاك
بعد ربع ساعه متواصله أكل
حبيبة ااه مش قادرة تاني بجد
حمزة بالهنا والشفا
حبيبة شفا إيه دا أنت هتطلع بيا علي المستشفي دلوقتي تحطولي سرير جمب بابا
حمزة بضحك يا ستي ألف سلامه عليكي قومي تعالي نغسل إيدينا يلا عشان الجو هيضلم خلينا نروح بقي
حبيبة أغسل إيديا إيه دا أنا محتاجه اتنقع في ماية بكلور
حمزة بضحك ماشي لما نروح إبقي خدي شاور
حبيبة طب قوم شدني وحياة أبوك أنا مش قادره
حمزة وقف وشد حبيبة
وأتجهوا لحمام الجنينه وغسلوا إيديهم وأتوضوا وصلو المغرب بعد كدا رجعوا البيت وهما تعبانين ومبسوطين
حبيبة أنا هدخل أخد شاور
حمزة لا إستني بالله عليكي هدخل أنا الأول
حبيبة لا والله ما تحصل أنا اللي قايله الأول
حمزة يا بنتي علي ما تخلصي أكون جهزت شنطتي أنا ماشي كمان ساعتين
حبيبة يووووه بقي
إبراهيم ايه ايه بتتخانقوا علي إيه!!
حبيبة أنا اللي قولت الأول هدخل أخد شاور ولا هو مجتمع ذكوري متعفن
حمزة هو أنتي حافظة الجمله وخلاص!!
حبيبة بقولك إيه باللي يلحق تمام
جريت حبيبة علي أوضتها تاخد هدومها و حمزة جري علي أوضته اخد
فوطه ورجع للحمام بسرعه
حبيبة پغضب دا غش والله
حمزة لا طبعا دي منافسه شريفه مش هتأخر بجد
قعدت حبيبة في الصاله ماسكه هدومها وبتهز رجليها بضيق لحد ما حمزة خلص و وقف ورا الباب
حمزة ما تجيبيلي تيشرت من الدولاب
حبيبة بضحك أنت مكسوف!!
حمزة لا لا أنا خاېف أخدش حياءك بس
حبيبة بضحك طيب هدخل الأوضه وأنت أخرج
دخلت حبيبة أوضتها وحمزة خرج لأوضته وبعدين دخلت أخدت شاور 
سرحت شعرها وبعدين لقت موبايلها بيرن وكان عمها
حبيبة بتوتر أيوا يا عمي
سامح ايوا يا بنتي أنا قدامي نص ساعه وأبقي عندكم
حبيبة بحزن ماشي يا عمي مستنياك
حبيية قعدت علي سريرها بحزن وبعد خمس دقايق قامت وفتحت شنطتها الكبيرة وحطت كل هدومها فيها خرجت بيها لبرا 
خبطت علي أوضة حمزة ودخلت بعد ما قالها
حمزة أول مره تدخلي أوضتي
حبيبة قربت منه بهدوء لحد ما بقت قدامه بتردد كبير مسكت إيده
حبيبة شكرا علي اليوم وشكرا علي كل حاجه شكرا أنك قبلت تتجوزني عشان تديني حق بقاء في البيت دا بس أنا بقي عرفتك و كمان أرتاحتلك وبتمنالك الخير بتمنالك تاخد اللي أنت كنت بتحلم بيها مش اللي أنت أتدبست فيها أنا عاوزة أحررك من المسئولية اللي أنت وعدت والدك بيها
حمزة إيه يا حبيبه اللي حصل!!
بعدت عنه وبصتله وملامحها هادية
حبيبة طلقني يا حمزة
ويتبع
آية محمد
إمامي و منقذي البارت الأخير
حبيبة طلقني يا حمزة
حمزة بهدوء يعني أنتي مش عاوزه تكملي معايا
حبيبة أيوا
حمزة مش هقولك حب خالص بس عاوز أعرف مفيش أعجاب أو تعلق بيا أنا عارف أن المشاعر مش بإيدينا يا حبيبة
حبيبة بلاش كلام الروايات دا إحنا في أرض الواقع يا حمزة مش هحبك من أول نظره أنا
حمزة مش دي النقطه اللي بتكلم فيها يا حبيبة مفيش نقطه في صالحي تخليكي تبدأي!!
حبيبة أنت بتعمل كدا ليه يا حمزة!! أنا مجبوره بس أنت إيه يجبرك!! 
إقلع ثوب الفضيله دا بقي يا حمزة أنت مبتحبنيش أنا مش عارفه أنت متمسك بيا ليه!!!
حمزة عشان دا جواز مش لعب عيال أنتي متخيله أننا لو أطلقنا هتبقي مطلقه مرتين!! 
لكن ما علينا أنا نفذت كلام بابا وأنا مش مجبور علفكرا هو فعلا مأجبرنيش بس أنا يومها وأنا بصلي الفجر من قبل ما حتي بابا يقولي دعيت قولت يا رب زوجة صالحه علفكرا كانت اول مره أدعي الدعوة دي بلساني 
أنا حسيتها أنتي
حبيبة بضحك زوجة صالحه!! أنا
حمزة وليه متكونيش كدا!!
حبيبة بضحك اللي قبلك مطلقن
حمزة أنا ميهمنيش اللي قبلي بعدين الحقيقه ظهرت ليه محسساني انك شيطان وأني ملاك أنا مشيت ورا قلبي وان
حبيبة بمقاطعه لا مبمشيش ورا قلبي وحتي قلبي دلوقتي بيقولي أني لازم أمشي
حمزة لازم ليه! بصي يا حبيبة إعملي اللي تحبيه بس أنا مش هطلق
حبيبة هو أنت مش عاوز تبقي مطلق وخلاص!!
حمزة يعني هو دا اللي فهمتيه من كلامي! يا ستي إيه المانع تدي لنفسك و للجوازة فرصه أنتي محاولتيش علفكرا أنا مجرد بحاول وقولت لو حسينا أنه مش هينفع نبقي نفكر في الإنفصال!
جرس الباب رن حبيبة بصت لحمزة وإبتسمت بخفوت وحاولت تهدي في كلامها
حبيبة صدقني يا حمزة مش هينفع
خرجت حبيبة و قابلت