رواية جواز بالاجبار للكاتبه هند ايهاب
بيناديني
هند أنت جميله أوي انا ازاي محاولتش أتقربلك انا طلعت غبي خليكي جمبي متبعديش عشان خاطري
كلام مش أنا حطيت ايديا علي شعره قعدت العب في شعره براحه بوسته من جبينه وانا حاسه بطفولته رغم حجمه ورجولته في تصرفاته وطريقته الا انه كان طفل في حضڼي للحظه حسيت اني أم وهو ابني اللي نايم مطمن وهو في حضڼي مسكت ايديه ورفعتها ناحية شفايفي بوستها وبقيت أبص عليها
عيني فتحت بالراحه وقال
بتحبيني يا هند!!
اټصدمت انه صحي واتوترت بس توتري اختفي لما لقيته نام تاني
جواز بالأجبار الجزء الحادي عشر
صحيت من النوم لقيته مركز معاي ابتسمت وقولت
صباح الخير
طبع بوسه علي خدي وقال
صباح العسل
ضحكت وقولت
باين عليك أخدت علي الموضوع ده كتير
عقد حواجبه وشاورت علي خدي ضحك وقال
مراتي بقا براحتي محدش يقدر يمنعني
قومت وقال
جهزي نفسك
هنروح فين!!
هنتفسح بقا ممكن نروح جراند اكويريوم أو ملاهي أو نروح شارع شيراتون نتمشي
مديت أيدي وقولت
أنا من أيدك دي لأيدك دي
مسك أيدي الاتنين وباسهم وقام وقف وقال وهو بيفكر
أنا كنت حاسس بيكي علي فكره
اتوترت وقولت وانا ببعد
بس أنت حيرتني علي فكره مبقتش عارفه البس ايه
هند
أصل لو جراند اكويريوم فا ده معرض اسماك يعني لبس خروج انما لو ملاهي فا كده هيبقا مايوه
وقف قدامي وقال
هند هو أنت بتتهربي من كلامي
أيه رأيك نركب خيل
بستغراب قال
خيل!!
بفرحه وحماس قولت
عمري ما جربت أركب خيل يعني علي حسب علمي أني ركبته بس وأنا صغيره أوي ومفتكرش أحساسي كان عامل أزاي وقتها بس من الصوره يبان اني كنت مړعوبه جدا فحابه اجربه وانا معاك
ابتسم وقال
وماله نركبه
دقيقه وأكون جاهزه
جريت علي جوه وانا بحمد ربنا انه نسي لبست بنطلون جينز وشميز وطلعت نزلنا فطرنا ومشينا وصلنا عند الخيل
هتركبي لوحدك
بخضه قولت
لاء أكيد مش لوحدي
بمشاغبه قال
أمال
________________________________________
مع مين
بأحراج قولت
عادي ممكن تركب وأنا هقف أتفرج عليك
ضحك وقال
ماشي يا ستي
شاور للراجل وأخد منه الحصان وقال
يلا أركبي
لوحدي!!
اركبي بس
شالني وركبني وقال
مټخافيش طول ما أنا معاكي ماشي
پخوف قولت
ليه انت ناوي تعمل ايه
ضحك وقال
بما انها اول مره يعني
طب انزل عايزه اعمل حاجه
نزل ولفيت نفسي وركب تاني حضنته جامد وقال
مش هتقوليلي برضو
علي ايه
حرك الحصان وانا اټخضيت وقال
علي اللي عملتيه امبارح
معملتش حاجه علي فكره
بص
بجد أمال أنا ليه شوفت غير كده
شوفت ايه!!
شوفت حبك اللي بتحاولي تداريه عني
حب!!
الحصان كان بيمشي براحه وفجأه جري كنت ماسكه فيه وأنا خاېفه وسمعت اكتر كلمه كنت بتمني اسمعها من سنين
بص لي
في عيني وقال
بحبك
جواز بالأجبار الجزء الثاني عشر
بصيت له پصدمه وفضل متابع الطريق نسيت مخاۏفي ونسيت كل حاجه كنت حاسه اني وقفت عند اللحظه دي
بص لي بطرف عينيه وقال
اضايقتي!!
هزيت راسي بنفي وعيوني دمعت وقولت
عايزه أنزل كفايه كده
هند هو أنت زعلتي!!
لاء بس حاسه أني بحلم
ابتسم وقال
ليه
هزيت كتافي وقولت
يمكن عشان الأحداث اللي حصلت في الأول وأنك مكنتش طايقني وأنك كنت عايز تعمل أي حاجه لمجرد أنك متتجوزنيش
هز راسه بتفهم وقال
معاكي حق بس لما قربنا من بعض ولما بقيت أشوفك حوالي بقيت حابب وجودك كنت حاسس أني محتاج أعرفك أكتر لقيتك تتحبي وأني كنت غبي بس متنكريش أنك كنتي كمان معترضه
هزيت راسي وقولت
طبيعي أعترض
بص لي بستغراب وكملت كلامي
لما الاقيك معترض علي جوازك مني طبيعي أنا كمان أعترض
كنتي بتعترضي عند يعني
هزيت راسي وقولت
هو فعلا عند
أفهم من كده أن في حاجه في قلبك من ناحيتي
خبيت وشي في حضنه وقولت
سيب الأجابه لوقت تاني خليها تيجي زي ما تيجي
بس أنا محتاج أتطمن
ابتسمت وقولت
اطمن
كملت وقولت
مش غريبه أن أكتر حاجه كنت بخاف منها هي أكتر حاجه بقيت أحبها دلوقتي
عقد حواجبه وقولت
الخيل
ابتسم وقال
بقيتي بتحبيه
ابتسمت وقولت
جدا وقريب هتعلق بالخيل
والسبب!!
يمكن هو السبب الرئيسي أنك تعترف لي بحاجه في قلبك
بس أنا كنت ناوي أعترف عقبالك
بصيت له وقولت
مكدبش عليك أنا حاسه پخوف
مني!!
هزيت راسي وقولت
مش واثقه في الايام مش واثقه في ماضيك في حاجز في قلبي مانعني عن أي خطوه
بس أنا بعدت عن كل حاجه عشان بس أبقالك
عارفه بس أنا خاېفه ودي حاجه مش بأيدي أتمني تكون فاهمني
هز راسه وقال
فاهمك
نزلنا من الخيل وروحنا معرض جراند اكويريوم فضلت اتفرج علي الاسماك بشكل أوضح وعن قرب كان شكلهم مبهج فضلنا نتمشي في كل المعرض قررنا نروح مطعم نتغدا ونكمل فسحه
كان بيتهرب بعيونه عني عيونه مكنتش بتيجي في عيوني وده كان مخليني مړعوبه ليبعد عني اكلنا وفضلنا نتمشي في شارع شيراتون خلصنا الخروجه وأجا وقت النوم
مش هتنام
كان واقف في البلكونه سرحان مردش علي قربت منه وحطيت ايدي علي كتفه
بص لي وقولت
مالك!!
هز راسه وقال
مليش
حاسه
ليه بتقولي كده
تصرفاتك بتقولي كده يا تميم
بعد عني وقال
ولا متغير ولا حاجه بس حاسس أني غلطت لما قولت حاجه زي دي
عقدت حواجبي وقولت
غلطت ليه
قرب مني وهو بيحاول يشوف ملامحي وقال
حاسس اني قولتها في وقت انا مش شايف غيرك فيه يعني حاسس اننا لما هنرجع كل حاجه هترجع زي ما كانت
پصدمه قولت
يعني أنت مبتحبنيش يا تميم
لف وشه وابتسم ومشي مشيت وراه ووقفت قدامه وبعصبيه قولت
أنت رايح فين أنا بكلمك علي فكره
ببرود قال
عايزه أيه
يعني أنت الكلمه دي عندك سهله لدرجة أنك تقولها وأنت مش حاسس بيها
هز كتافه وقال
هتفرق معاكي في أيه وأنت مبتحبنيش يعني سواء قولتها أو مقولتهاش بالنسبالك عادي
بعصبيه أكتر قولت
لاء مش عادي أنا الكلمه دي عشت طول عمري مستنيه أسمعها وأنت بكل بساطه تيجي تقولي أنا كده يا تميم أنت مفكرتش في ولا في مشاعري الدرجه دي بتلعب بمشاعري
قعد ببرود وقال
عشتي طول عمرك مستنيه تسمعيها!! ليه بتحبيني من زمان أوي كده
اتعصبت من بروده وكنت همشي مسك أيدي وضحك وقال
بتحبيني أوي كده يا هند
تميم سيب أيدي
هز راسه بنفي وقال
لاء مش هسيبها
تميم متعصبنيش
قعد علي أيد الكنبه وشدني عليه وقال
أنا دلوقتي أقدر أقول بحبك كل شويه وأنا عارف شعورك من ناحيتي
بسخريه قولت
آه بتحبني آه خلاص نستنا لما نرجع عشان أشوف الحب اللي بجد
ضحك بعلو صوته وقال
أنت لسه مفهمتيش
بصيت له بستغراب وقال
دي كانت لعبه صغيره قد كده عشان بس أعرف شعورك من ناحيتي وأنت واقعه
ضړبته في صدره وقولت
متقولش واقعه
قرب وشه من وشي لدرجة أن نفسه كان بيخبط في نفسي وقال
صدقيني بحبك ونسيت أي حاجه قبلك أنا دلوقتي ببدء من جديد معاكي
اتنهد وقال
بتحبيني يا هند!!
بعدت عيوني عنه وهو فضل يبص لي وقال
عايز أسمعها منك عشان أطمن أكتر
حضنته جامد وعيوني دمعت وقولت
بحبك أوي يا تميم بحب من وقت ما كنا عيال بحبك وأنا عارفه أنك مش لي بحبك وأنا شايفه حبك ليها بس أعمل أيه في قلبي فضل يحبك وكأنه عنده أمل فيك
شدد من الحضن وقال
وكأن قلبك حاسس بقلبي
جواز بالأجبار الجزء الثالث عشر والأخير
بعد خمس شهور من جوازي من تميم كنت قاعده وأيدي علي بطني المنتفخه من الحمل كنت مبسوطه أن فيه روح بتتحرك جواي روح أتكونت مني ومنه واللي مفرحني أنها منه هو جرس الباب رن قومت بصعوبه شديده أفتح الباب
فتحت الباب ولقيت كام واحده بتتهجم علي پخوف قولت
أنتوا مين
واحده
أحنا الڼار اللي هتحرقك
زقوني ووقعت في الأرض حاوط أيدي حوالين بطني وكانوا عمالين يضربوني برجليهم كانوا مركزين علي بطني كنت پصرخ من الۏجع والخۏف علي الجنين فجأه حسيت بدم بينزل صړخت وأغمي علي وأخر حاجه أشوفها هي رهف كانت بتضحك بشماته
صحيت لقيت نفسي في المستشفي لقتني في حضنه بلهفه قال
هند هند أنت كويسه
بخضه حطيت أيدي علي بطني وقولت
المهم هو هو كويس
هز راسه وباس راسي وقال
مټخافيش هو كويس أنت حاسه بحاجه
هزيت راسي بنفي وقولت
شوفتها
عقد حواجبه وقال
هي مين
اللي عملت في كده
پغضب مكتوم قال
مين دي
تميم أنا عايزه أقدم محضر
هز راسه وقال
الظابط هيجي عشان ياخد أقوالك بس مين دي برضو
دمعت قولت
رهف
بص لي وهو مش مصدق وقال
رهف مين
بعصبيه قولت
هتكون رهف مين
أزاي
بدموع حكيت له اللي حصل كان هيقوم يروح لها بس وقفته بصعوبه وقولت
هقدم محضر فيها
كنت بشوف ردة فعله ولقيته بأنفعال قال
هو أنت شايفه أني ممكن أرفض يا هند
يعني معندكش أعتراض
هي مبقتش تلزمني كفايه أنها كانت عايزه ټقتل أبننا هنسيب الحكومه هي اللي تعاقبها
هزيت راسي الظابط أجا وقدمت فيها محضر وتميم ساعدني في أنه يقول علي كل حاجه تخصها عنوانها مكان شغلها أسمها بالكامل كل حاجه
فضلت يومين في المستشفي تحت الملاحظه لحد ما بقيت كويسه لقيت تميم داخل علي وهو مبسوط
في أيه
أتقبض عليها
بفرحه قولت
والله
آه والله
الحمدلله عرفت منين
أتصلوا بي عشان أروح وأتعرف عليها كان باين عليها الندم كانت خاېفه بس مهزتش مني رمش واحد
حطيت راسي علي صدره وقال
وأنا جاي الدكتور كتبلك علي خروج يلا
هزيت راسي وقومت روحت البيت فضلت أتابع مع دكتور الحمل لمدة خمس شهور
قومت من النوم بصړيخ وأنا بصحي تميم
تميم الحقني
بنعاس قال
أيه
صړخت في وشه وقولت
بولد
قام بخضه كان بيلف حوالين نفسه مش عارف يعمل ايه
بتوتر قال
أعمل أيه!!
بزعيق قولت
أتصل بالدكتور بسرعه وهاتلي عبايه
مسك التليفون وكلم الدكتور لبست العبايه ولقيته شالني وجري بي علي أقرب تاكسي وصلت المستشفي
وكان الدكتور في أنتظاري حضروا غرفة العمليات
كان صړيخي مسمع المستشفي كلها محستش براحه وهدوء غير لما سمعت صوت النونو نمت وصحيت لقيت النونو جمبي وتميم أخدني في حضنه
خلاص خلصت
باسني من راسي وقال
حمدلله علي سلامتك
ابتسمت بۏجع وقولت
الله يسلمك
كانت العيله كلها موجوده بتباركلنا كل واحد فيهم بيشيل النونو
هنسميه أيه
ياسين
طبعا ياسين
سيف رد عليه وقال
وليه ميبقاش سيف
تميم بضيق قال
ولا ياسين ولا سيف ريحوا نفسكوا
رديت بأبتسامه وقولت
أيه رأيك في حمزه
ابتسم وقال
أسم حلو
شاله وقعد يقرأ في ودنه قرآن وأنا كنت مبسوطه أوي
تمت
اسميته تميم
