رواية بقلم هاجر نور الدين
_ هو اللي أنا سمعاه دا بجد زياد عمل كده
قولت كدا بيني وبين نفسي لما سمعت صوته بالليل وأنا نايمة وهو بيكلم في التليفون مع شخص غريب إترعبت من الفكرة وقومت بهدوء عشان أشوف لو فعلا لاقيته واقف في البلكونة وبيتكلم
مشيت بسرعة ودخلت الأوضة تاني قررت أأجل االمواجهة دلوقتي عشان أعرف هعمل إي.
أول ما سمعت صوته جاي على الأوضة بعد شوية عملت نفسي نايمة بسرعة وأنا بمسح دموعي اللي على خدي حط التليفون بتاعه جنبه على الكوميدينو ونام إزاي قادر يكون بالشكل دا بجد وفي نفس الوقت ييجي. اللي كنت بحبه ببيت قرفانة منه وأول ما نام بعدت روحت نمت وأنا بعيط لحد ما الصبح يطلع تاني يوم صحيت قبله وكلمت منال صاحبتي وقولتلها تجيلي بعد ما جوزي ينزل عشان عايزاها في موضوع مهم بعدها زياد صحي وكان مبتسم ليا وقال
_صباح الخير ياحبيبتي.
بصيتله ومردتش عليه بجد مكنتش قادرة أرد عليه قلبي كان بيغلي حبيبتي اللي قالهالي قالهالها إمبارح برضوا إتكلم تاني بإستغراب
_في إي مالك يافريدة في حاجة مزعلاكي.
رديت عليه وأنا بحضر الفطار
لأ مفيش زهقانة بس شوية.
إبتسم وقال
_ميهونش عليا أسيبك زهقانة كدا إن شاء الله أول ما آخد أجازة هخرجكك على طول وأغير من نفسيتك عندي كام فريدة أنا.
إبتسمت جوايا بسخرية قد إي بيعرف يمثل كويس أوي ولكني مش قادرة أسمع ل كلامه دلوقتي خلصت الفطار وفطر ونزل قومت بعدها أروق البيت وبعد شوبة جاتلي منال وخدتها بالحضن وقولت بعتاب
_وحشتيني أوي بقالك كتير مش بتيجي لازم أقولك تيجي يعني.
إبتسمت وقالتلي
ياحبيبتي وإنتي كمان وحشتيني والله بس إنتي عارفة الشغل والدنيا المهم إي الموضوع اللي كنتي عايزاني فيه
إتنهدت وبصرت قدامي بشرود وقولت بحزن
_جوزي يامنال متغير.
إتوترت وقالت بسرعة
إي إزاي يعني
رديت وقولت
_مش عارفة
ردت عليا بهدوء وقالت
يمكن سمعتي غلط ولا حاجة يافريدة مستحيل ياخذ الورث.
سكتت شوية وبعدين قالتلي يعني إهتمي بيه كدا وخليه ينسى مش دا اللي صدعتي دماغنا بيه عشان بتحبيه وتتجوزيه.
إبتسمت بسخرية وقولت مش هقدر أعمل كدا يامنال أنا مش طايقة أبص في وشه والله.
عدلت قعدتها وبصتلي وقالت
بصي ومتبقيش خايبة كدا هو كدا كدا بيحبك إنتي وإتجوزك إنتي إكسبيه إنتي كدا
بصيتلها بإستغراب وقولت وبعدين أنا مش مقصرة معاه في حاجة
إتنهدت وقالت بحزم
أنا عايزة مصلحتك ومش عايزاكي تتطلقي وإنتي صغيرة
بصيتلها بتفكير وأنا مترددة ومش عارفة أعمل إي تليفوني رن
_إمسكي ردي طيب.
مسكت مني التليفون وردت بسرعة
_إي ياحبيبتي عاملة إي
بصتلي وإبتسمت بتوتر وقالت
أهو شوفتي ياستي مش قولتلك بيتصل بيكي إمسكي معاكي أهو.
خلصت كلامها وإدتني التليفون مسكته منها ورديت عليه جالي صوته وهو مش مرتب الكلام وبيقول
_إي ياحبيبتي قلقتيني عليكي برن عليكي من بدري والتليفون مش لاقط شبكة.
رديت عليه بهدوء وقولت
معلش التليفون مش في إيدي
قولت بعدم إقتناع
أه تمام كنت بتتصل ليه طيب
_كنت بسألك لو عايزاني أجيب أكل وأنا جاي بالليل يعني.
زياد إنت لسة نازل إحنا فين والعشا فين لما تيجي بالليل على خير إن شاء الله.
_خلاص ماشي ياحبيبتي يلا سلام. وأنا بفكر وحاسة
رديت عليا بإبتسامة خالية من آي حاجة وقولت
حقك عليا يامنال بس أنا حياتي بتبوظ ومش عارفة أعمل إي.
مسكت إيدي وقالت بإبتسامة
_ولا يهمك ياحبيبتي أنا عارفة اللي حاسة بيه دلوقتي وإنك تايهه بس أختك جنبك ومش هسيبك أبدا.
إبتسمتلها وبعدها قامت ومشيت من البيت فضلت قاعدة مكاني وأنا قلبي بيوجعني بشكل رهيب مستحيل بجد اللي بيحصل في حياتي دا
نزلت من الشقة وركبت تاكسي
صحيت بالليل على صوت الباب بيتفتح وكان زياد دخل وهو مبتسم بشدة وحب مزيف بقيت أشوفه في عينيه سبحان
الله بجد وكإني من بعد المكالمة
_أنا جبتلك هدية على فكرة عشان خاطر الزهق اللي بتبقي قاعدة فيه وأنا في الشغل.
طلع علبة من الشنطة اللي كان ماسكها في إيده وفتحها وهو مبتسم وكان سلسلة دهب وأنا كنت هادية جدا ومش مدية آي رد فعل قال وهو مبتسم
_ها إي رأيك فيها
بصيتله وإبتسمت بخبث وأنا بفكر في اللي هعمله وقولت
جميلة ياحبيبي تسلم إيدك.
شوفته بعدها إتبسط جدا وبعدين قال بحماس
_تعالي بقى ناكل أنا جايب أكل من برا مش عايز أتعبك النهاردة خالص.
إبتسمت وقعدت كلت معاه كمان وأنا بضحك أنا مش عندي إنفصام ولا حاجة بس أنا عايزاه يرتاح خالص وإني فعلا هعمل بنصيحة منال بعدها ننام تاني يوم صحيت وكنت خلاص مجهزة الخطة اللي هعملها.
لبست ونزلت وزياد نايم روحت على أقرب كافيه وقعدت فيه وطليت فطار وعصير لازم أختفي شوية من الوسط عشان أخليه ياخد راحته أكتر فضلت قاعدة وأنا متدايقة جدا خبطت في واحد بالغلط وقولت
_أنا اسفة جدا مخدتش بالي.
ركزت فيه وبعدين إبتسملي وإبتسمتله وقولت
خالد عامل إي إي اللي جابك هنا
إبتسم وقال
_الحمدلله كويس كنت بزور عمتي لإنها ساكنة في الحي دا.
إبتسمت وقولت وأنا بهز راسي
أه طيب إبقى سلملي على طنط سعاد بقى والله وحشتني جدا هبقى آجي أزورها
إبتسم وقال
_مع السلامة.
خالد يبقى إبن طنط
