اسكريبت المشاكسه وصاحب العيون المختلفه للكاتبة سمسمه سيد حصريا لموقع لمحه
كريم العلبه ولقي ساعه شيك جدا فشكر ملك للمره التانيه ..
شدت ملك منه الساعه ومسكت ايده بعفويه
هات البسهالك انا
ابتسم كريم وهو سايب ايده ليها بعد ما ملك لبستهاله بص للساعه في ايده وبص لملك وهو بيشكرها بعينه فاابتسمت ملك بفرحه ان هديتها عجبته
تاني يوم الصبح راحت ملك الشغل وطلعت علي مكتبها حطت شنطتها وحاجتها وراحت علي مكتب كريم وقبل ما تدخل سمعت صوته العالي هو وعامر
يعني ايه يا كريم انت اتجننت
فين الجنان في كده يا عامر بحبها وهتجوزها
لا انت مبقتش طبيعي من ساعة ما جيت تتجوزها ازاي
هو ايه اللي اتجوزها ازاي يا عامر ما تفوق وتشوف انت بتقول ايه
وهتتجوزها
عامر بقولك اي انت كتر قعادك مع ساميه خلاك غبي هو انا مش لسه قايل بحبها
كانت ملك بتسمع كلامهم وعنيها مليانه دموع بيحب واحده وهيتجوزها طب وهي حست بوجع في قلبها
اعمل اللي تعمله يا كريم انت حر
خلص عامر كلامه وسابه ومشي وهو بيفتح باب الاوضه لقي ملك في وشه وعنيها مليانه دموع سابها ومشي
بص كريم ناحيه ملك اللي فضلت واقفه مكانها متحركتش وراح ناحيتها بسرعه وبصلها بقلق
ملك في ايه بتعيطي ليه
ملك فضلت بصاله وعنيها بتدمع وسألته بصوت واطي
هتتجوز
فهم كريم سبب حالتها وابتسم جواه بعد ما اتاكد من حبها وقال بمكر
ايوة هتجوز
ابتسمت
مبارك ليك
خلصت كلامها وجريت علي بره ضحك كريم وهو بيقول لنفسه
مجنونة بس بحبها
جري كريم وراها يلحقها ووقفها في نص الشركه وكل الموظفين بقوا بيبصوا عليهم
لفت ملك وبصت لكريم ولزمايلها بااحراج وخدود حمرا
كريم لو سمحت ايدي الكل هيفهمنا غلط كده
طب ما يفهموا محدش ليه عندي حاجه
ملك بغيظ
سيب ايدي يا كريم وروح للسنيورة بتاعتك اللي هتتجوزها
ابتسم كريم
طب ما انا قدامها اهو اروحلها ليه
ملك بغباء
قدامها ازاي يعني هي كمان هنا وانت ماسكني كده قدامها سيبني
هز كريم رأسه بيأس من غباءها
تتجوزيني
فتحت ملك بؤقها وهي بتبصله بصدمه
ها
خرج
تتجوزيني
لمعت عنين ملك بالدموع
تقبلي تبقي نصي التاني وتشاركيني حياتي ودنيتي وتبقي معايا في الفرح والحزن والتعب والصحه
ملك حطت ايدها علي بؤقها وهي مش مستوعبه انه بيطلب ايدها وبصت حواليها لدهشة زمايلها وليه
كريم بمرح
انا ركبتي وجعتني كفايه اندهاش وقوليلي موافقه
ضحكت ملك بسعادة وهي بتهز رأسها
طبعا طبعا موافقه
لبسها كريم الخاتم وسط التصفيق والتصفير من زمايلهم وفرحهم بيهم ..
كريم بعد وهو بيبص في عنيها
بحبك
ابتسمت ملك بكسوف
وانا كمان
تمت ...
