اسكريبت المشاكسه وصاحب العيون المختلفه للكاتبة سمسمه سيد حصريا لموقع لمحه
اسكريبت المشاكسه وصاحب العيون المختلفه للكاتبة سمسمه سيد حصريا لموقع لمحه
يا حلو صبح يا حلو طل يا حلو صبح نهارنا فل
الله يخربيتك يا ملك ويخربيت تاخيرك وصوتك اللي يقرف
قالتها ساميه وهي بتبص لصاحبتها اللي داخله المكتب متاخر و بتغني
بصت ملك لسامية بغيظ
جرا ايه يا سامية ما تبطلي يا اختي نفسنه ولا اكمن صوتي رقيق وحلو وانتي صوتك زي الرجاله متغاظه
مسكت سامية الملف اللي قدامها وحدفته ناحيه ملك اللي وطت بسرعه وقالت بهزار
ومجتش ومجتش موتي بغيظك
والله العظيم يا ملك لو ما قعدتي خلصتي شغلك اللي زوغتي منه امبارح لااقول لمستر عامر وهو يتصرف معاكي بقي
خلاص خلاص اسكتي هتفضحيني
راحت ملك ناحيه مكتبها وقعدت قدام الكمبيوتر وابتدت تخلص الشغل اللي عليها ..
شوية ودخل شاب بملامح جذابة وجسم رياضي ماسك في ايده ملف ..
اول ما ملك وساميه شافوه قاموا وقفوا
مستر عامر
بص عامر لملك
خلصتي الملفات اللي ادتهالك يا ملك
ايوة يا مستر
جميل اوي خدي الملف ده عاوزك تخلصيه في خلال ساعتين علي ما كريم بيه يوصل وتطلعيه ليه
بلعت ملك ريقها بتوتر
اطلعه لكريم بيه هو كريم بيه هيجي الشركه
هز عامر راسه با ايوه
ايوه هيجي من
حاضر يا مستر عامر
بص عامر لساميه اللي واقفه تبصله بهيام
سامية تعالي ورايا
امرك يا مستر عامر
بعد ساعتين في المطار ..
نزل شاب في اول التلاتينات بملامح رجوليه جذابة وجسم رياضي بان من بدلته الرسميه لبس نضارته الشمسية اللي خفي بيها عيونه اللون ولون بسبب استغراب الناس من لون عيونه المختلفه واحده زرقه وواحده رمادي بقي دايما بيخفيها ..
وصل للعربية اللي مستنياه قدام المطار والسواق اللي رحب بيه
اهلا اهلا يا كريم بيه نورت مصر ياباشا
اكتفي كريم بهز رأسه كا شكر علي كلمات السواق وركب العربيه ومشي السواق بالعربيه للشركه ..
بعد شوية وصل كريم شركته ودخل لقي الموظفين كلهم بيرحبوا بيه ..
ركب الاسانسير وخلع نضارته وفضل واقف مستني وصول الاسانسير للدور بتاعه ..
انفتح الاسانسير علي الدور المحدد وخرج منه كريم راح ناحية مكتبه لقي واحده واقفه قدام باب مكتبه عماله تخبط عليه وبتبرطم
خلصي الملف في ساعتين وطلعيه لكريم بيه نيني نيني خلصت الملف وكريم باشا السلحدار لسه موصلش
رفع كريم حواجبه بدهشه من كلام البنت اللي واقفه مدياله ضهرها ومش شايف منها غير شعرها الطويل البني.
سند علي المكتب اللي وراه وهو واقف
ملك بعصبية
ده انا كموظفه ملتزمه اكتر منه وموجوده اكتر منه في الشركه اشحال هو صاحب الشركه مش بنشوف خلقته الوقوره في الشركه اصلا
وقال ايه الواحد بيترعب لما بيسمع اسمه ده احنا حتي منعرفش شكله ايه من ساعة ما اتعينت هنا وانا مشوفتوش
يلا حسبي الله ونعمه الوكيل في المفترين مبحبش اجيب في سيرة الناس
اسكريبت المشاكسه وصاحب العيون المختلفه للكاتبة سمسمه سيد حصريا لموقع لمحه
اتعدل كريم وهو بيحاول يمسك ضحكته ورسم البرود علي وشه وقرب من ملك وشدها من دراعها ناحيته
رفعت ملك عنيها وبصت في عنين كريم واترسم الانبهار علي ملامح وشها بلون عيونه المختلفه اما كريم فا فضل يبص في عنيها العسلي الواسعه ولاانبهارها بهدوء
محدش قالك ان عيب تتكلم عن مديرك كده
بصتله ملك ببلاهه
مديري مين تقصد مستر عامر بس انا متكلمتش عليه
رفع كريم حاجبه وهو بيبصلها
وانا مذكرتش سيرة عامر
شهقت ملك وهي بتتعدل وبتتكلم بعصبية
ايه عامر دي اسمه مستر عامر انت شكلك جديد هنا وناوي علي قطع عيشك
بصلها كريم با استخفاف وشدها من ايدها ودخل مكتبه وقفل الباب
ايه الهمجيه دي انت مجنون ازاي تدخل المكتب ده بالطريقه دي
مدهاش كريم اهتمام
عامر تعلالي علي المكتب فورا
قفل كريم وهو بيبص لملك اللي كانت بتبصله بعصبيه ...دقايق وسمعوا صوت الباب بيخبط
ادخل
ما شاء الله كمان بتأذن بالدخول ولا اكنه مكتب اللي خلفوك
قالتها ملك بصوت واطي ...بصت لعامر اللي دخل وجت تتكلم سبقها كريم وهو بيقول بسخريه
اتفضل اتفضل يا مستر عامر
عامر وهو بيبص لصاحبه وبيبص لملك
حمدلله علي السلامه يا كريم
بصت ملك بصدمة لكريم وبصت لعامر ورددت بصوت واطي
كريم بيه يا نهار مش باينله ملامح انا كده اترفدت
بص كريم لحركه شفايفها وهي بتتكلم وعرف هي بتقول ايه وابتسم بس داري ابتسامته بسرعه وهو بيقول ببرود
مين دي يا عامر
دي ملك موظفه جديده عندنا بقالها حوالي شهرين هنا
واحنا من امتي بنوظف ناس لسانها طويل
بص عامر لملك بتفحص
هي قالت حاجه ضايقتك ولا ايه
بص كريم لملك اللي بصت للارض بزعل وهي مستنيه في اي لحظه تطرد
لا مقالتش لكن ...
قاطعته ملك بسرعه وهي بتتأسف بدموع
انا اسفه جدا يا كريم بيه استقالتي هسلمها لمستر عامر بعد اذنكم
خلصت ملك كلامها وجريت علي بره ومدتش فرصه لحد يتكلم ..
بص عامر لصاحبه وهو بيسأله
هو في ايه
راح كريم ناحية الباب عشان يلحقها
مفيش يا
