حماتي كانت تخليني ادفع

حماتي كانت تخليني أدفع فاتورة الكهربا بتاعتها عشان معاش أبو جوزي مش مكفي وبعد سنة موظف البنك اتصل بجوزي عن تحويل شهري باسم أمه أكبر من مرتبه.
كل شهر كانت حماتي تكلمني قبل ميعاد الفاتورة.
يا بنتي، أبو جوزك معاشه على قده، وإنتوا ربنا موسعها عليكم.
مع إن حالتنا مكانتش أحسن حاجة، كنت بدفع.
مرة 1200 مرة 1700.
وفي الصيف الفاتورة وصلت 3000 جنيه.
ولما اشتكيت لجوزي قال
اعتبريها صدقة لأبويا وأمي.
فضلت سنة كاملة أدفع.
وفي المقابل، كنت بأجل علاج أسناني، وأجيب لبنتي هدوم مستعملة، وأحسب تمن كل حاجة قبل ما أشتريها.
لحد ما في يوم، موظف البنك اتصل بجوزي.
كان بيسأله عن تحويل شهري ثابت باسم أمه، قيمته 18 ألف جنيه.
جوزي افتكر إن فيه غلط.
قال أمي معاشها 4 آلاف جنيه مين بيحولها 18 ألف كل شهر؟
الموظف سكت لحظة وقال
التحويل خارج من حساب باسم حضرتك.
جوزي بصلي وأنا بصيتله.
حسابي أنا؟!
روحنا البنك.
المفاجأة إن الحساب اتفتح من 3 سنين بتوكيل رسمي.
وكان

بيتحول منه كل شهر 18 ألف جنيه لحماتي.
قلت لجوزي
إنت عامل توكيل لمين؟
وشه اتغير.
لأمي من أيام ما كنت مسافر.
طلبنا كشف الحساب.
وأول ما الموظف طبعه، حسيت إن جوزي هيقع.
مش بس تحويلات شهرية كان فيه أقساط شقة.
ومقدم عربية وتحويلات باسم أخت جوزي.
وكل ده خارج من حساب جوزي من غير ما يعرف.
رجعنا بيت حماتي رمى جوزي الورق قدامها.
الفلوس دي راحت فين؟
بصتلي وقالت ببرود
مراتك هي اللي خلتك تحاسب أمك؟
صرخت
أنا اللي كنت بدفع فاتورة كهربتك وإنتِ بتاخدي 18 ألف جنيه كل شهر!
ضحكت.
وقالت
وإنتِ فاكرة إني كنت محتاجة فلوسك؟
سكتنا.
جوزي قال
أمال كنتِ بتاخدي منها ليه؟
ردت
عشان أعرف هتفضل واقفة جنبك لحد إمتى.
لكن أبو جوزي خرج من أوضته وقال
كدابة.
حماتي اتجمدت.
حط قدامنا ظرف قديم.
وقال
هي مكانتش بتختبر مراتك كانت بتجمع إيصالات الفواتير باسمها.
سألته
ليه؟
فتح الظرف.
طلع عقد بيع بيت حماتي.
المشتري كان أنا.
وتحت اسمي توقيع مزور.
قلت
أنا عمري ما اشتريت البيت ده!
أبو جوزي قال
عارف لكن البيت اتباع رسمي من 8 شهور، والفلوس اتحولت لحساب محدش يعرفه.
جوزي بص لأمه.
حساب مين؟
قبل ما ترد، موبايله رن.
نفس موظف البنك.
جوزي فتح السماعة.
سمع ثواني، وبعدها قعد على الكرسي.
قلت
فيه إيه؟
رفع عينه لأمه وقال
الموظف لقى الحساب اللي اتحول له تمن البيت.
حماتي بدأت ترجع لورا.
سألته
باسم مين؟
جوزي بصلي وقال
باسم ابن أمي.
قلت باستغراب
ما إنت ابنها.
هز راسه ببطء.
وقال
لأ الموظف قال إن صاحب الحساب ابن تاني لأمي، مولود قبل جوازي ب سنين.
أبو جوزي وقع الظرف من إيده.
لكن حماتي صرخت
اقفل التليفون!
جوزي قرب منها.
مين أخويا؟
وفي اللحظة دي، باب الشقة اتفتح.
دخل راجل في سن جوزي تقريبًا.
أول ما شافني قال
كويس إنكم عرفتوا موضوع الحساب.
وبعدين حط قدامي ملف وقال
بس الفلوس مش أهم حاجة.
فتحت الملف.
لقيت شهادة ميلاد بنتي.
وتحت خانة اسم الأب
مكانش مكتوب اسم جوزي!!!!!!
روايات بسكوته
وتحت خانة اسم الأب.. مكانش مكتوب اسم جوزي، كان مكتوب اسم الراجل الغريب اللي لسه داخل من الباب حالا!
الشقة اتقلبت لساحة مرعبة، الصدمة لجمت لساني، وجوزي حازم اتخطف لونه وبقى يبص للورقة ويبص للراجل ولأمه وعيونه طالع منها شرار، صرخ بصوت زلزل الحيطان وهجم على الراجل مسكه من قميصه
إنت مين يا بني آدم إنت؟! وبنتي اسمها مكتوب باسمك إنت ليه؟! أنتوا هتحنّوا عليا وتلعبوا بشرفي وشرف مراتي؟!
الراجل زق إيد حازم بمنتهى البرود، وعدل قميصه وبص لحماتي نوال اللي كانت واقفة ورا السرير بتترعش ووشها جايب ألوان الطيف، وقال بصوت قوي ومسموع
اهدا يا حازم أنا أخوك الكبير شريف.. وأمك نوال هي اللي سجلت بنتك باسمي من وراكم كلكم ومن ورا الحج وهو نايم في العسل!
أنا مسكت الملف وجريت على شريف وأنا بصرخ بهستيريا ودموعي مغرقة وشي
بنتي أنا؟! بنتي اللي ولدتها في مستشفى حكومي وإنتوا قولتوا لي إنكم هتاخدوا ورق الولادة تخلصوا بيه شهادة الميلاد عشان أنا تعبانة؟! شهادة ميلاد بنتي متزورة باسمك إنت ليه يا مجرم؟!
حمايا أبو جوزي وقف على رجله وهو ساند على عصايته، وبص لحماتي بغضب أعمى ورفع العصاية في