اسكريبت بسمه ومالك مكتمل بقلم بسمه محمود
يا سوادك يا بسمه الليل هل و أنت لسه مخلصتيش
وسط سواد الليل و عيون مستنيه تصطاد فريستها واقفه عشان استرزق
نعناع نعناع يا بيه
لا شكرا
دول طازه والله يا بيه
ما قولنا شكرا
بكل صدق احب اقول البشر دول اسوء مخلوقات في الوجود
رجعالي ب ٢٠ جنيه يا حسره
والله دا الي ربنا قدرني عليه يا مرات ابويا
غوري يا بت من هنا مش عايزه اشوف وشك
اروح فين بس دي الساعه ١٢ بليل
في اي داهيه
مشيت في الحارات ادور علي حته استخبي فيها من عيون الناس
يا سي الاستاذ استنى
نعم حضرتك بتكلميني أنا
اه ممكن تدخلني
حضرتك من سكان العماره هنا
ل لا بس انا مش لاقيه حته اقعد فيها بالله دخلني دلوقتي الدنيا ليل و ولاد الحړام مترصدين في كل مكان دخلني بس الليله دي و أنا من بكره الصبح همشي
اتفضلي ادخلي
قعدت علي السلم اخد نفس بعد مشوار طويل و ڠصب عني عيني غفلت
يا انسه يا انسه
فتحت عيني براحه حسيت بحد واقف قدامي مقدرتش اميز ملامحه من الضلمه من فزعتي مسكت اقرب طوبه ليا و ضړبته بيها حسيت بيه وقع علي الارض فقربت ناحية النور بسرعه
يا ليله ما باين ليها ملامح يا سي الاستاذ حقك عليا والله
قربت منه براحه و بصيت علي جرحه
مټخافيش مفيش حاجه
بس ورمت
بكره تهدى
حقك عليا يا سي الاستاذ والله ما قصدت
انا الي غلطان كان المفترض افتح النور من الاول
حصل خير سماح
سماح طبعا
قام عدل هدومه فوقفت أنا كمان
قبل ما الاكشن الي حصل من شويه دا ينسيني أنا كنت عايزك في ايه أنت مش هينفع تنامي في الحوش هنا كل اللي نازل و الي طالع هيرازي فيكي
هنام تحت السلم هنا محدش هيشوفني لحد نور ربنا ما يطلع بس
طب و هتروحي فين
ارض الله واسعه
انت ست و علي رايك ولاد الحړام مترصدين في كل مكان أنا واخد الدور الاخير و السطح كمان بتاعي في اوضه جاهزه ليكي اطلعي نامي فيها
لا يا سي معلش متعرفتش بأسمك
مالك محسوبك مالك
عاشت الاسامي يا سي مالك انا بقى بسمه
اسم علي مسمى يا ست بسمه المهم الاوضه ليها مفتاح اطلعي و نامي فيها و اقفلي علي نفسك مټخافيش محدش يقدر يقربلك
وقفت ثواني افكر فقطع حبل أفكاري بصوته الهادي
متفكريش فيها كتير اطلعي و ارتاحي
سمعت كلامه و طلعت لاني من التعب مكنتش شايفه قدامي طلعت الاوضه و كانت نضيفه و كان فيها مرايه وقفت قدامها بعد ما شيلت طرحتي من علي شعري فردته علي ضهري و بدأت اجمع خصله في أيدي
فوقي يا بسمه فوقي و روحي نامي خلينا نشوف الدنيا هتعمل فينا ايه
غيرت هدومي و فردت نفسي علي السرير و نمت بسرعه من كتر التعب و ساعدني علي ده مرتبه السرير المريحه تاني يوم بدأت افتح عيني علي صوت خبط
علي الباب
يا ست بسمه ست بسمه
قومت من علي السرير بسرعه لمېت شعري و روحت ناحيه الباب
ايه دا أنا محجبه
جريت
صباح
الخير يا ست بسمه
صباح الخير يا سي الاستاذ
يارب تكوني نمتي كويس
الحمدلله
طيب الحمدلله أنا جيبتلك فطار
مد أيده بصينيه الاكل ففضلت واقفه مكاني
خديها يا ست بسمه خديها متبخليش عليا بالثواب
جمايلك كتيره يا سي الاستاذ
جمايل ايه بس احنا كلنا علي باب الله انهارده بساعد بكره هتساعد هي الدنيا كده
سحبت من أيده صينيه الاكل بتردد فابتسم ابتسامه هاديه و لكنها هددت ثبات و هدوء قلبي
تسلم يا سي الاستاذ
الف هنا فوتك بعافيه
دخلت اتوضيت و صليت فرضي و فطرت و حضرت نفسي عشان امشي نزلت لقيته قاعد قدام العماره
علي فين يا ست بسمه
على رزقي تسلم يا سي الاستاذ علي كل الي عملته معايا لحد الساعه دي ربنا يراضيك و يجبرك و يكفيك شړ ولاد الحړام
طب هتروحي فين بس
عندي واحده صحبتي في الجيزه هروحلها و من هناك هدور علي رزقي
معاكي رقمها
اه معايا
طب خدي رني عليها من معايا قبل ما تروحي في حته
مدلي أيده بالتليفون فاخدته منه و رنيت عليها و لكن مجمعش
مش بترد
التليفون من مجمع انا هبقى ارن عليها من اي كشك في سكتي
تحبي اوصلك
متقلقش عليا يا سي الاستاذ فوتك بعافيه
مشيت من قدامه و روحت ناحيه المحطه بصيت في شنطتي مفيش فيها قرش فضلت قاعده في المحطه ساعه اتنين تلاته الشمس بدأت تغيب و يحل مكانها القمر و سواد الليل هل و الجسم بدء يستسلم للتعب و العيون غلبها النوم
ست بسمه ست بسمه اصحي
فتحت عيني فاجأه لما سمعت صوته
انت انت بتعمل اي هنا يا سي الاستاذ
أنت ممشتيش ليه
فضلت ساكته ملقتش رد ارد عليه بيه
قومي يا ست بسمه تعالي مينفعش قعدتك هنا كده
بصيت حواليا و فعلا مكنش ينفع قعدتي هناك مشيت وراه لحد ما وصلنا قدام العماره و طلعنا علي السطح
ليه مشيتي يا ست بسمه هو انا زعلتك في حاجه
لا بس انا مش حمل اشيل جمايل أنا مش قدها
جمايل ايه بس لو ربنا كرمك هتبخلي علي الناس
لا طبعا دا رزق ربنا و كلنا علي باب الله
ونعم بالله اديكي قولتيها كلنا علي باب الله دا رزق ربنا ليكي يبقى متقطعيش بيه
أنا مش هينفع اقعد هنا كده محتاجه انزل ادور علي شغل ممكن امسح السلم أو انضف الشقه بتاعتك كل أسبوع زي ما تحب لكن انا مش حمل جمايل
جمايل تاني طيب بصي انتي اقعدي و ارتاحي انهاردة و من بكره أنزلي اشتغلي معايا في السوبر ماركت
انهي دا
السوبر ماركت الي تحت العماره شوفتيه
اه
دا بتاعي اقفي معايا و ساعديني و كده محدش ليه جمايل عند التاني تمام
تمام
ام أن الدنيا دي عجايب في اللحظه الي
بتحس فيها بالنهايه بتكون هي دي اللحظه الي ربنا هيجبرك فيها بدأت الايام تعدي و تفوت و بقينا نقرب من بعض اكتر واكتر
يا سي الاستاذ هعمل شاي اعملك معايا
مقدرش
حضرت كوبايتين الشاي و روحت قعدت جنبه علي السطح
اتفضل
تسلم الايادي
الف هنا
احكيلي يا ست بسمه
احكيلك ايه
عنك عن حياتك
حياتي والله يا سي الاستاذ حياتي وقفت
بعد ما امي مشيت ابويا اتجوز بعدها وجبلي مرات اب و الي كنت فكراه اسوء حاجه شوفتها منها و ابويا عايش طلع الاسوء منها لما ماټ الدنيا علمت علي وشي بكفوفها و لكني راضيه كل الي يجي من عند ربنا خير
ونعم بالله
طب وانت
أنا امي اټوفت وانا عندي ١٥ سنه ابويا متحملش الدنيا منغيرها و اتوفى بعدها علي طول و سابوني لوحدي في دنيا ماليش فيها حد لا اخ ولا قريب ولا صاحب ربنا يرحمهم
تعيش و تفتكر يا سي الاستاذ
اسمي مالك ليه بتقولي يا سي الاستاذ
انت بتضايق
لا بس مستغرب
الاسم حلو و انا اخاڤ اتعلق بيه
الاسم ولا صاحب الاسم
حسيت بوشي بيطلع ڼار فا سيبت كوبايه الشاي من ايدي و جريت علي الاوضه و قفلت عليا فسمعت صوت خطوات رجله و صوته الهادي
تصبحي علي خير يا ست الناس
كرم ربنا بيجي فاجأه و عوضه بيجبر القلب و ينسيك مر الايام الفاتت
٣٠٠ ٥٠
قبل ما يحسب علي الاله الحاسبه وقفه صوتي
١٥٠٠٠٠
بصلي ثواني بذهول و بعدها حسب علي الاله عشان يتأكد
صح
اصل انا كنت بحب الرياضه لما كنت بدرس اه معايا ابتدائيه بس كنت بتكلم مع صحابي و بحاول اخد منهم معلومات و كنت بقعد اذاكر معاهم
الحياه مش عايزه المستسلم الشكاي الحياه عايزه المناضل الي بيعرف يحارب عايزه العنيد عايزه المؤمن بربنا و الي مؤمن بربنا مفيش حاجه تهزمه
يا سي الاستاذ انت جيت
لا دا انا ينفع ولا هو مفيش غير مالك
عامر انت عايز ايه
عايزك انت
برغم خۏفي الا اني حاولت افضل ثابته
انزل من هنا قبل ما مالك يجي
اوعي تبقي فاكره أن مالك طيب محدش طيب انتي مجرد حد بيشفق عليه و مع الوقت هيهزق منه يرميه برا حطي الكلمتين دول حلقه في ودنك
جمله مكونه من حروف بسيطه الا انها كانت كالسهم رشق في قلبي حاولت مركزش في كلامه و اعمل اكتر حاجه بحبها و هي الخبز حرفه اتعلمتها من امي زمان خلصت صينيه الفطير و نزلت بيها لمالك بعد يوم كامل ماشوفتوش اتاكدت أنه جوا لما سمعت صوت حركه في الشقه رنيت الجرس الصوت سكت و لكن الباب مفتحش
يا سي الاستاذ أنا بسمه
رنيت تاني مفتحش فضلت دقايق واقفه قدام الباب حطيت صينيه الفطير قدام الباب
أنا خبزت فطير هحطهولك قدام الباب ابقى خده قبل ما يبرد تصبح علي خير يا سي الاستاذ
الارق و فرط التفكير كانوا
ضيفين تقال طول الليل و بعد ربط احداث ظهرلي أن عامر كلامه صح و أن كل إنسان و عنده طاقة تحمل و أن جيه الاوان امشي بكرامتي تاني يوم الصبح حضرت شنطتي بدري قبل يصحى و مشيت روحت علي المحطه و المره دي مشيت لأن مبقاش ليا مكان هنا سيبت ورايا ذكريات جميله هفضل فكراها طول الوقت وان قالولك مفيش اسرع من
الو
ايوا حضرتك أنت فين
أنا عند بوابة النادي
تمام أنا شوفت حضرتك انا جاي اهو
جهزت الاوردر في أيدي
و فاتوره التسليم
ازاي الحال يا ست الناس
الهوا وقف و ضربات القلب زادت أن شاء الله بحلم
سي الاستاذ
اشتقت لصوتك يا ست الناس
عرفت مكاني منين و الطلب دا تبعك
عرفت مكانك منين من صحبتك أما الطلب فا وحشني الفطير بتاعك وحشتني قعدتك و كوبايه الشاي بتاعتك كنتي واخده بحسي يا ست بسمه
قولتلك يا سي الاستاذ انا مش حمل جمايل
جمايل ايه يا ست بسمه
كل حاجه عملتها جميله علي راسي و عارفه أن من حقك تزهق ليه تتحمل واحده شبهي
واحده شبهك دا أنت ست الناس ياريت الستات كلها شبهك
اتفضل الطلب بتاعك يا سي الاستاذ انا لازم امشي لسه عندي شغل كتير
سلمته الطلب بتاعه و اديته ضهري قبل ما يشوف دموعي و يقرأ اشتياقي ليه من عيوني
ليه مشيتي يا ست بسمه
قولتلك يا سي الاستاذ كل واحد ليه طاقه يوم ما نزلتلك و خبطت عليك و سيبتني واقفه علي الباب خدت علي خاطري و اتأكدت أن كلام عامر صح
عامر !! قال ايه عامر
مش مهم
قال ايه يا ست بسمه ردي عليا لو ليا خاطر عندك ردي
قال إن مفيش حد طيب و أن كل الي انت بتعمله دا شفقه و مسيرك في يوم هتزهق و انا تعبت و مش حمل بهدله تاني
الله يسامحك يا ست بسمه ازاي تفكري و لا تصدقي كلام شبه كلام الحيوان دا حقك علي راسي و لكن اليوم دا اليوم دا ذكرى ۏفاة امي اليوم دا من كل سنه بيبقى تقيل علي قلبي بفتكر كل لحظه فيه و ازاي وقعت قدام عيوني و ازاي اتلقيت خبر ۏفاتها اليوم دا تقيل علي قلبي و مش بعرف اتعامل مع حد فيه لكن عمري ما قصدت اقلل منك ولا اهينك حقك علي راسي يا ست الناس
أنا أنا اسفه مكنتش اعرف
ليه مستنتيش ليه مشيتي يا ست بسمه كنتي واخده بحسي و رجعتيني يتيم تاني بغيابك
وقف الكلام علي لساني و دموعي نزلت واحده ورا التانيه تشكيله الم اشتياق شهرين بدونه
ارفعي راسك يا ست الناس و
متبكيش البكى ميلاقش بيكي
و ايه يليق بيا
أنا انفع
انت بتقول ايه يا سي الاستاذ
بقول تتجوزيني و تفضلي واخده بحسي العمر الي باقيلي و تفطريني فطير كل جمعه من ايديكي الحلوين دول في بيتنا أنا اه مش قد المقام بس انفع يعني
مقامك عالي يا سي الاستاذ
سي الاستاذ عايز ونس و لما دور ملاقش احسن منك قولتي اي يا ست الناس
مفيش حروف توصف احساسي و اني كنت طايره في الهوا مع اني ثابته علي الارض و للمره التانيه ربنا ينتشلني من حزني و يراضيني و في الحالتين كان هو السبب
السكوت علامة الرضا يا ست الناس
أنا بنت يتيمه علي باب الله و مش حمل بهدله
أنا عمري ما ارضالك بالبهدله
الي تشوفوا يا سي مالك
يا حلاوة اسمي منك يا ست الناس حبيتي الاسم
و صاحب الاسم
تمت
